مَنْهَارْ عْقَلْنَا وُ هِيَّ كَتْبْكِي.. البوليساريو كَتْشَكَّى عْلى مفوضية الاتحاد الإفريقي مَنْ المغرب..

الصحراء اليومية/العيون

تلاقات جبهة البوليساريو نائبة رئيس مفوضية الاتحاد الإفريقي، مونيك نسانزاباگانوا، فمقر الاتحاد الإفريقي بالعاصمة الإثيوبية أديس أبابا.

ودار ممثل البوليساريو عند الاتحاد الأفريقي، لمن اباعلي، محادثات ثنائية مع نائبة رئيس مفوضية الاتحاد الإفريقي، مونيك نسانزاباگانوا، بحيث قدم ليها القيادي فالبوليساريو وجهة نظر الجبهة حول نزاع الصحراء والمستجدات اللي كاينة، فضلا عن ترويجه لقضية “الحرب” اللي كتخوضها فمحاولة منو لتسويق فكرة عدم الاستقرار واللاسلم فالمنطقة، وكذلك شكى المغرب اللي كيقول أنه “ما باغيش النزاع يتحل”، علما بأن المسؤول عن عرقلة العملية السياسية لنزاع الصحراء هو البوليساريو اللي رافضة الموائد المستديرة.

وعلى الرغم من هاد اللقاءات اللي كدير البوليساريو على مستوى منظمة الاتحاد الأفريقي، إلا أنها كتعتابر المنظمة وخاصة مفوضية الإتحاد الأفريقي كتلعب دور سلبي بالنسبة ليها فنزاع الصحرا، وهادشي ديجا كيقولو زعيم البوليساريو فكلماتو اللي كيحمل فيها المنظمة الأفريقية مسؤولية النزاع، وكيسعى لأنها تلعب دور فيه، فالوقت اللي الرعاية ديال النزاع محصورة فقط فالأمم المتحدة وهادشي كان من ضمن مقررات القمة الإفريقية فانواكشوط المنعقدة فيوليوز سنة 2018.