المغرب عندهم هاجس.. رئيس برلمان العسكر جْبَدْ الصَّحْرَا فْأشغال الجمعية العامة ديال الإتحاد البرلماني الدولي فْجنيف..

الصحراء اليومية/العيون

شارك نظام العسكر ممثلا برئيس المجلس الشعبي، إبراهيم بوغالي، فأشغال الجمعية العامة الـ 148 للاتحاد البرلماني الدولي، فجنيف السويسرية وكالعادة استاغل هاد الحدث باش يهاجم المملكة المغربية.

رئيس برلمان نظام العسكر، إبراهيم بوغالي، وفإطار كلمتو، هدر على القضية الفلسطينية والتقاعس ديال الامم المتحدة ومجلس الأمن، وملفات أخرى بحال التغيرات المناخية، وروج لنظام العسكر بحال إلى هو اللي حاكم العالم.

ابراهيم بوغالي فكلمتو أيضا ما نساش يتودد ويرضي نظام العسكر من خلال معاداة السيادة المغربية على الصحراء ودعم البوليساريو، بحيث دعا مجلس الأمن الدولي باش يتحمل مسؤوليتو من نزاع الصحراء وصور الصحراويين على أساس أنهم كيتعرضو للمساومة فحقوقهم، علما بأن هاد المساومة وهاد التجارة كيتعرضو ليها الصحراويين اللي عايشين بدون أبسط حقوق العيش الكريم فمخيمات تندوف فوق الأراضي الجزائرية.