رئيس جهة العيون سَالاَ أزمة شباب المسيرة ولِيكِيـپْ والأطر تْوَصْلُو بْمُسْتَحَقَّاتْهُمْ المالية..وُ ها الأُوبْجِيكْتيفْ لِّي حَاطْ قَدَّامْ عَيْنِيهْ..

الصحراء اليومية/العيون

أفادت مصادر محلية على إطلاع ، أن الأزمة المالية اللي كان كيعيشها فريق شباب المسيرة الرياضي سالات بفضل تدخلات رئيس لجنة تصريف الأعمال ديال الفريق، سيدي حمدي ولد الرشيد.

ووضحات المصادر، أن رئيس لجنة تصريف الأعمال ديال الفريق، سيدي حمدي ولد الرشيد، قاد منذ توليه الرئاسة جهود كبيرة باش تمت معالجة الإكراهات المطروحة فميزانية الفريق وتجاوزها، وهو الشيء الذي تم بعد توصل اللاعبين والأطر الرياضية والمستخدمين بمستحقاتهم المالية.

وكشفات المصادر، أن الفريق كان كيعاني بسباب القانون المنظم رقم 30.09، لأنه كان فوضعية غير قانونية بسباب عدم قانونية الجمع العام ديال الفريق اللي كان دار، بحيث تم عقده بصفة قانونية من بعد والإعلان عن إحداث لجنة تصريف الأعمال بعد استقالة الرئيس السابق ديال الفريق.

وأضافت المصادر، أن رئيس لجنة تصريف الأعمال تمكن من تأمين المنح ديال الفريق تلك المقدمة من شركة فوس بوكراع وكذلك القوات المساعدة، وبالتالي إعادة الروح للفريق وإخماد حالة الغضب اللي كانت واللي كان من بين تجلياتها إضراب اللاعبين فوقت سابق.

وختمت المصادر، أن رئيس لجنة تصريف الأعمال ديال فريق شباب المسيرة الرياضي، سيدي حمدي ولد الرشيد، حاط أوبجيكتيف واضح دابا وهو ترقية الفريق ويلعب دور مهم فالقسم الاحترافي الثاني وعلاش أَلاَّ إِحقق الصعود ويرجع للواجهة كممثل لكرة القدم فالأقاليم الجنوبية للمملكة فالقسم الاحترافي الأول ويمثل المغرب فالمحافل الأفريقية.