البوليساريو مَعْتَارْفة أنَّها ما كَتْسَايْنْ وَالُو مْن جلسة مجلس الأمن المغلقة حول الصَّحْرَا…
الصحراء اليومية/العيون
يعقد مجلس الأمن الدولي جلسته المغلقة حول نزاع الصحراء، يوم الثلاثاء المقبل الموافق لتاريخ 16 أبريل، بناء على قرار المجلس رقم 2703.
وفهادْ الصدد استابقات جبهة البوليساريو الجلسة بتصريحات ديال ممثلها فنيويورك، سيدي محمد عمار، قلل فيها من إنتظارات جبهة البوليساريو لهاد الجلسة وداكشي اللي ممكن تخرج بيه، فظل قناعتها بعدم قدرتها على مواكبة التفوق الدبلوماسي المغربي واخا كاينة الجزائر العضو غير الدائم فالمجلس.
وفتصريحات للقيادي ديال البوليساريو، قال أن المشاورات ديال مجلس الأمن واخا تخرج بأي قرار أو إجراء فإن البوليساريو كتعتابر أن “الحرب الوهمية” هي اللي غادي تكون فاصلة، بحيث كتجي هاد التصريحات الموجهة بالأساس لرأيها العام فإطار التخفيف من الضغط عليها ومساعيها لإمتصاص أي حالة غضب من مناصريها اللي واهماهم بحرب هي الخاسر فيها.
ومن جانب آخر، قال هاد القيادي أن رد البوليساريو على اللاءات الثلاث ديال المغرب هو “الحرب”، علما بأن البوليساريو وقفات ديجا إستفزازاتها شرق الجدار الرملي لمدة عشرين يوم أواسط مارس، قبل ما ترجع بياناتها العسكرية نهار 5 فشهر أبريل الجاري كتقول فيها أنها هاجمات المحبس.
