البرلمان الأوروبي عَاقْ بْقْوَالْبْ البوليساريو وُسْحَبْ تْصاور كَتْرَوَّجْ للجبهة مَنْ المَقَرْ دْيالو..

الصحراء اليومية/العيون

دارت مجموعة “بوديموس” البارح الأربعاء 17 أبريل 2024، واحد المعرض فوتوغرافي فالبرلمان الأوروبي، كتروج فيها لأفكارها وتصورها لبعض النزاعات الدولية، وحضراتو قيادات فالبوليساريو بحال خدجتو المختار ممثلة البوليساريو فالباسك، ومتضامنين معاها.

واعتامدات مجموعة “بوديموس” فالمعرض ديالها مجموعة من الصور الدولية، واللي كان من بينها صور كتروج لجبهة البوليساريو وكدعم تصورها لنزاع الصحرا وكتقدم المملكة المغربية بصفة عدائية، بالإضافة لصور أخرى ديال الحرب الروسية الأوكرانية وصور كتحكي الوضع فقطاع غزة.

ومباشرة من بعد عرض الصور المتعلقة بنزاع الصحراء واللي كتروج للبوليساريو، ناضو المنظمين وسحبوها الشي اللي خلا جبهة البوليساريو والداعمين ديالها اللي كانوا حاضرين بما في ذلك المصورين فحالة صدمة، لاسيما وأن تلك الصور لا تعبر عن حقيقة الوضع بخصوص النزاع فظل الوضع السياسي المستقر فالأقاليم الجنوبية للمملكة والتنمية السوسيو اقتصادية اللي كتشهدها، علما بأن الصور اللي كانت معروضة تعرض حقيقة الوضع المأساوي اللي تسببات فيه البوليساريو لخمس عقود متواصلة.