شَدُّو 121 سنغالي حْدَا سواحل الداخلة سَلْتُو مَنْ السنغال فاتجاه جزر الكناري ولكن تْلَفْ ليهم لَبْلاَنْ وُ خرجو حْدَا الداخلة….

الصحراء اليومية/العيون

أفادت مصادر مطلعة، أن البحرية الملكية تمكنت فالساعات الأولى من اليوم الثلاثاء، من إيقاف قارب على متنه العشرات من المرشحين للهجرة غير الشرعية.

المصادر  أكدت بَلِّي القارب تم إيقافه بنفوذ امهيريز فسواحل جهة الداخلة وادي الذهب، وكان على متنه 121 مرشح للهجرة غير الشرعية كلهم من السنغال، بحيث تم تقديم المساعدة اللازمة ليهم وتوجيههم للميناء العسكري ديال الداخلة.

وحسب نفس المصادر فالمرشحين للهجرة انطالقو من السواحل الشمالية ديال السنغال وكانوا باغيين يوصلو إلى جزر الكناري، قبل ما يتوضرو فالبحر ويخرجو فسواحل جهة الداخلة جنوبا.

ويذكر أن الجهات المختصة فالداخلة بحال لامارين والقوات المسلحة الملكية والسلطات المحلية والدرك الملكي كيقومو بجهود كبيرة فسبيل القضاء على نشاط تهريب البشر، فظل هاد الهجمة ديال المهاجرين من السنغال فالصيف بسباب البحر لي كيكون ملائم لعمليات لحريگ.

ويشار أن السنغال والمغرب كيقومو دابا بعمليات ترحيل المهاجرين غير الشرعيين نحو بلدهم الأصلي السنغال، وآخر عملية كانت نهار الأحد فاش رحلو 190 واحد فكيران برًّا، ومن قبل رحلو 50 فالطائرة فاش جات وزير خارجية السنغال للداخلة نهار 25 و26 يوليوز الجاري، ومازال العملية غادي تشمل نحو 400 آخرين.