سْلُوݣِيَّة طَّلْقَاتْ عَاوْدْ تَانِي.. فينْ جاتْ هاذْ “أم اعبانة” لِّي بْغَاتْ تْنَقَّبْ فيها البوليساريو عْلى المعادن ..واشْ مُمكن تقنيا إِكُونْ هاذْ التنقيب؟

الصحراء اليومية/العيون

أعْلَنَتْ جبهة البوليساريو على منحها رخصة للاستكشاف المعدني لشركة ’’نوماد إكسبلوريشن‘‘ الأسترالية قصد التنقيب عن البترول والمعادن ودير دراسات ديال الاستشعار عن بعد وتحليل الصور الجوية المتعلقة بمنطقة أم اعبانة شرق الجدار الرملي، بالإضافة لإجراء مسح ميداني جيوفيزيائي وجيوكيميائي لـ2000 كيلومتر مربع بالمنطقة سالفة الذكر.

ولكن فين جات هاد المنطقة؟ وعلاش تقنيا صعيب تفعّل البوليساريو هاد الإجراء؟ وعلاش هاد الإجراء مجرد حبر على ورق؟

أم اعبانة هادي منطقة تابعة للناحية العسكرية الثالثة ديال البوليساريو شرق الجدار الرملي وبين المناطق لي قريب ليها من جهة الشمال كاينة منطقتي أغزومال وتاغزومالت لي كتبعد على الجدار الرملي بنحو 40 حتى لـ 50 كيلومتر.

هاد أم اعبانة بعيدة أيضا، بنحو 40 كيلومتر على أغزومال وتاغزومالت، بمعنى أنها قريبة للجدار الرملي بنحو 5 حتى لسبعة كيلومتر فقط من جهة الجنوب الشرقي ديال مدينة السمارة غرب الجدار الرملي.

تقنيا واش هاد التنقيب ممكن؟ فعليا ما يمكنش يكون هاد التنقيب واخَّا عن بُعْد او ميدانيا. عن بعد ما يمكنش لأنها منطقة عسكرية وبالإضافة لذلك منطقة عازلة مافيهاش أي نشاط أيا كان وهادشي كتقولو الأمم المتحدة.

ثانيا هاد التنقيب أو النشاط واخا يكون خارج المنطقة العازلة فهو فمرمى القوات المسلحة الملكية المغربية وفمنطقة مكشوفة، حسب مصادر محلية، وهنا القوات المسلحة الملكية ما كتعاتقش مع أي تحرك فظل أعمال عدائية واستفزازات كديرها البوليساريو مرة مرة شرق الجدار الرملي.

المصادر أكْدَاتْ أن عملية التنقيب بموجب ما سبق مستحيلة والغرض منها هو الهالة الإعلامية فقط والضحك على ذقون مناصري البوليساريو لي كتقلب على أي قشة باش تتمسك.

ومن جانب آخر، كانت البوليساريو عطات 4 رخص للتنقيب من سنة 2014 وحتى لسنة 2019، بالإضافة لسنة 2023، وفمناطق متعددة، وما شفنا والو.