الصحراء اليومية/العيون
بْدَا وفد ديال حزب المؤتمر الوطني الإفريقي ANC الحاكم في جنوب إفريقيا زيارتو لمخيمات تندوف باش يتلاقى قيادات جبهة البوليساريو.
الوفد لي فيه 12 عضو فالحزب الحاكم فجنوب إفريقيا دار سلسلة لقاءات مع قيادات البوليساريو، بحال اللقاء مع “مسؤول” خارجيتها ولقاءات آخرين هدرو فيها على نزاع الصحرا بناءً على تصورهم هوما للنزاع.
هاد الوفد لي فيه نائبة الأمين العام للحزب تجاوز الخطوط الحمراء، ومشا تلاقى قيادات عسكرية فجبهة البوليساريو، الشي لي خلا هاد الزيارة عندها طابع عسكري وفيها رسالة للمغرب، واخا هو حزب سياسي وآرائو وتصرفاتو معني بيها الحزب فقط، ولكن هاد الحزب أيضا، راه هو لي مشكل هاديك الحكومة.
الوفد لي تلاقاه الوفد الجنوب أفريقي خداتو القيادات العسكرية ديال البوليساريو يشوف واحد “المتحف” وهدرو معاهم فقط فالشق العسكري من خلال سرد مغالطات وأكاذيب كتبين أن خيارهم العسكري كان “رابح”، بالإضافة لعرضهم بعض المدرعات من صناعة جنوب أفريقية كيقولو أنها شاركات مع المغرب فحرب الصحرا.
