بريطانيا دخلات فتنمية الاقاليم الجنوبية وربحات صفقة تفويض للتدبير فمطار العيون والداخلة..
الصحراء اليومية/العيون
ربحات شركة JOHN MENZIES PLC البريطانية صفقة تدبير صالات وخدمات الإستقبال فمجموعة من المطارات المغربية.
ومن بين هاد المطارات لي فازت الشركة البريطانية بمناقصة تفويض تدبير صالاتهم وخدمات الإستقبال فيها، كاين مطاري العيون الحسن الأول ومطار الداخلة، بحيث غادي تسيرهم لمدة 4 سنوات.
هاد الشركة البريطانية تعد من أكبر الشركات الدولية فهاد المجال، وبمجرد الإطلاع على موقعها الرسمي كيبان أنها علامة مميزة من خلال المناقصات لي واخدة سواء فمطار هيثرو البريطاني الشهير أو فمطارات فإسبانيا ودول أوروبية وأفريقية وأمريكية لاتينية ودول عربية بحال الكويت.
دخول الشركة البريطانية للأقاليم الجنوبية للمملكة بحد ذاتو يعد إستثمار بريطاني فالصحرا وتجسيد للوحدة الترابية للمملكة المغربية وكيقطع الطريق أمام البوليساريو لي كتحاول جاهدة تمنع الشركات الدولية من الاستثمار فالصحرا والمساهمة فتنمية المنطقة.
