الصحراء اليومية/العيون
قال ناشط تابع لجبهة البوليساريو أنه تعرض لمضايقات فميناء مستغانم الجزائري، البارح الأحد، بعدما رفضو ليه الباسبور ديال البوليساريو وما خلاوهش يدخل بيه للجزائر.
الناشط ديال البوليساريو قال بللي ضباط الشرطة الجزائريين رفضوا أنه يدخل بباسبور البوليساريو ورفضوا أنهم يكاشيو عليه، وقالو ليه خاصك تقدم جواز آخر، ديال البوليساريو ما خدامش.
وأضاف هاد الناشط لي كان جاي من فالنسيا أنه اضطر بعدما رفضوا جواز سفر البوليساريو يقدم ليهم جواز السفر لي كتعطيه الصبليون للاجئين بدون وطن باش يدخل للتراب الجزائري، لأن هاداك ما صالحش.
موانئ الجزائر وخاصة مستغانم ووهران دائما كيرفضوا باسبور البوليساريو وماشي أول مرة، وهاد النوع من المعاملة كيأكد كيفاش كتشوف الجزائر البوليساريو والصحراويبن والمعاملة العنصرية لي كيتلقاوها فالإدارات الجزائرية، خاصة منهم هادوك لي كيجيبو السيارات من برا وغاديين بيها لمخيمات تندوف.
