واش غادي إِتْسَدُّو حسابات البوليساريو ؟ إيلون ماسك سد صفحة حماس وغادي يبقاو غير صفحات ديال الحكومات اللي معتارفة بيها الأمم المتحدة..

الصحراء اليومية/العيون

بعد ساعات قليلة من إطلاق الحساب الرسمي ديال حماس على منصة التواصل الإجتماعي “إيكس” يوم الإثنين 8 يناير 2024، أقدمت إدارة “إيكس” على حذف الصفحة اللي طلقات حماس.

هاد الإجراء ديال حذف الصفحة دار بزاف ديال ردود الأفعال بين اللي مرحب بالقرار وبين اللي معتارض عليه بحكم أنه حسابات ديال إسرائيل لم يتم حذفها واخا حتى عي متهمة بالإرهاب.

هاد التفاعل اللي خلقو قرار منصة التواصل الإجتماعي “إيكس” خلى مولاها تيلون ناسك يخرج ويوضح ويجاوب على سؤال: “علاش تم حذف حساب حماس بينما يتم السماح للإرهابيين الإسرائيليين بالإحتفاظ بحساباتهم؟”.

إيلون ماسك خرج بتغريدة وقال فيها: ” لقد كان هذا قرارًا صعبًا. في حين أن العديد من قادة الحكومات، بما في ذلك في الولايات المتحدة الأميركية، يدعون إلى قتل الناس، لكن لدينا قاعدة الإعفاء التابعة للأمم المتحدة”، مضيفا: “إذا اعترفت الأمم المتحدة بحكومة ما، فلن نعلق حساباتها. حماس غير معترف بها كحكومة من قبل الأمم المتحدة، لذلك تم تعليق عضويتها”.

هاد الدافع اللي خلى إيلون ماسك يحذف حسابات حماس هو نفسو الدافع اللي بموجبو عند منصة “إيكس” الحق فأنها تسد حسابات ديال قيادات وتمثيليات ديال البوليساريو على المنصة، وهاد السبب هو عدم الإعتراف ديال الأمم المتحدة بجبهة البوليساريو كدولة وعدم حيازتها للعضوية ديال المنظمة الأممية.

هادشي كيجي أيضا فوقت باتت البوليساريو متهمة بالإرهاب بسبب الإنفجارات ديال مدينة السمارة واللي راح ضحيتها شاب وتصابو ثلاثة أشخاص آخرين، بالإضافة لإستخدام هاد الحسابات للترويج للعنف، والتهديد الموجه للمنظمات الدولية والجمعيات اللي كدير تظاههرات فالصحرا.