سواحل بوجدور الجنوبية لاَحْتْ جثة بحار مفقود..

الصحراء اليومية/العيون

لفظات سواحل بوجدور الجنوبية جثة ديال بحار كان تقلب القارب ديال الصيد التقليدي اللي كان فيه رفقة آخرين بمدخل ميناء المدينة.

وقالت مصادر محلية، أن الجهات المختصة انتاشلات جثة ديال البحار قريب من منطقة “لمسمار” جنوب بوجدور، بحيث تمت مياشرة الإجراءات القانونية اللازمة ونقل الجثة لمستودع الأموات ديال السبيطار الإقليمي فبوجدور حسب إفادة موقع كود.

وكانت الجهات المختصة قبل أيام باشرات عمليات بحث وتمشيط واسعة بعدما تلقات إخطار بإنقلاب قارب ديال الصيد التقليدي وفيه ثلاثة بحارة بسباب الحالة الجوية الصعيبة والمد البحري، بالإضافة لانها قدمات يد المساعدة لجوج قوارب أخرى كانت كتعاني صعوبات.