الصحراء اليومية/العيون
دار زعيم جبهة البوليساريو، إبراهيم غالي، تصريحات صحافية، على هامش الزيارة اللي كيدير لأيرلندا، وكنساينو فيها توضيحات الحكومة الأيرلندية حول هاد اللقاء اللي كيمس الوحدة الترابية للمملكة المغربية وسيادتها على أقاليمها الجنوبية.
تصريحات زعيم جبهة البوليساريو من بعد اللقاء ديالو بالرئيس الإيرلندي، مايكل هيكينس، نقلاتها صحيفة “إيريش تايمز”، وقال فيها أنه جا يقلب على دعم أيرلندا وتكون “نصير ليهم وقدوة بالنسبة للدول الأوروبية الأخرى”.
وأضاف زعيم جبهة البوليساريو، أن أيرلندا “ممكن تكون محطة جذب المزيد من الدول الأوروبية للانضمام إلى الجهد الجماعي” لتحقيق الحرية والاستقلال” على حد زعمه
وأشار: “جينا إلى إيرلندا لتعزيز وتعميق العلاقة القائمة بين شعبينا لأن لدينا أشياء كثيرة مشتركة فيما يتعلق بتاريخنا وقيمنا”، مردفا: “نعتقد أن الشعب الأيرلندي يتفهم ويشعر بمحنة شعبنا بسبب التاريخ الأيرلندي وارتباطنا المشترك بالقيم الإنسانية. ولهذا السبب نحن هنا في أيرلندا، لأن الناس هنا يفهمون الحق في تقرير المصير”.
هاد الزيارة ديال زعيم جبهة البوليساريو وتصريحاتو غادي تكون خاوية وما عندها معنى فقط إذا قدمات أيرلندا تبريرات منطقية لمساهمتها فالنيل من الوحدة الترابية، ودير خطوة واضحة ومباشرة وهادشي كيبان بأنه مستبعد فهاد الفترة بالضبط ويحتاج وقت.
قضية أيرلندا تكون قدوة للدول الأوروبية مستبعدة بزاف ومستحيلة خاصة بالنسبة للدول اللي منضوية تحت لواء الاتحاد الأوروبي بحكم موقفها الموحد المتعلق بدعم جهود الأمم المتحدة، وكذلك الشراكة الاستراتيجية مع المغرب، في حين أن الدول غير المنضوية تحت لوائه جُلها عندها علاقات قوية مع المغرب واخا دول شمال أوروبا بحال النرويج والسويد مرة مرة كتخرج على السياق.