سيمنس إينيرجي صَدْماتْ البوليساريو: غادي نْكَمْلُو استثمارنا ديال الطاقة فالصَّحْرَا إلى جاتْ الفرصة..

الصحراء اليومية/العيون

وجهت شركة “سيمنس إينيرجي” ضربة لجبهة البوليساريو بعد تأكيدها لمواصلتها الاستثمار ديالها فالصحرا فحالة أُتيحت ليها الفرصة مجددا.

وأكدات شركة “سيمنس إينيرجي” جوابا على محاولة حصار نشاطها فالصحرا من طرف جبهة البوليساريو ومنظمات تابعة ليها فأوروبا، أنها غادي تواصل الاسثمارات ديالها فالأقاليم الجنوبية مهما يكن.

وشدد مسؤولو الشركة الألمانية المتخصصة فمجال الطاقة، خلال أشغال الاجتماع السنوي، أنها ما عندها علاقة بالسوابق القضائية ديال نزاع الصحرا والأحكام ديال الشراكات بين المغرب والاتحاد الأوروبي، كما لا تستبعد احتمال الدخول في صفقات أخرى في الإقليم.

ويشار أن الشركة الألمانية خدامة حاليا على مشروع قيد التنفيذ فمنطقة تيسكراد قرب مدينة العيون، يتعلق بمحطة ديال الرياح بقدرة إنتاج تصل لـ100 ميگاواط، هي الخامسة فالصحرا فسياق التنمية اللي كتشهدها الأقاليم الجنوبية ومساهمة الشركة فيها.

ويذكر أن البوليساريو والمنظمات اللي خدامة معاها كتحاول تضغط على الشركات الدولية اللي خدامة فالصحرا انطلاقا من زاوية تأثير ذلك على المسار السياسي ديال نزاع الصحرا اللي كتقودو الأمم المتحدة.