الصحراء اليومية/العيون
نْفَاتْ البرلمانية فالكونگرس الإسباني عن إئتلاف “سومار” والمنحدرة من مخيمات تندوف، تسلم سيدي، أن يكون الإىتلاف سحب المقترح ديال قانون الجنسية للصحراويين من البرلمان الإسباني.
وقالت تسلم سيدي فتغريدة ليها على منصة “إيكس” أن الإئتلاف ما سحبش المقترح وعاود حطو فالكونگرس الإسباني بتاريخ 12 مارس اللي فات.
وهاد المقترح ديال قانون الجنسية للصحراويين كيطالب فيه الإئتلاف بمنح الجنسية الإسبانية للصحراويين اللي تولدو قبل 1976 هوما وأحفادهم وكيأكد على الروابط القائمة بين إسبانيا وإقليم الصحرا، بحيث كانت المحافظة رقم 53 فالتقسيم الإسباني، وكان لساكنة الصحراء آنذاك ممثلين فالكورتيس وعندهم وثائق هوية إسبانية وقراو فإسبانيا وكانوا أيضا فالأمن والجيش ديال الصبليون.
وكيقول المقترح أيضا، أن الصحرا هي المنطقة الوحيدة لي كتهدر باللغة الإسبانية فأفريقيا، وأكد أن الروابط بين الصبليون والصحراويين مازالت قائمة حتى فمخيمات تندوف.
