مواقف البرازيل من الصَّحْرَا عْطَاتْ لَلْمشاورات السياسية المغربية البرازيلية دفعة زْوِينة..

الصحراء اليومية/العيون

انعاقدات الدورة الثالثة ديال المشاورات السياسية المغربية البرازيلية فالعاصمة برازيليا، برئاسة مشتركة ديال السفير المدير العام بوزارة الخارجية، فؤاد يازوغ، والأمين العام لشؤون أفريقيا والشرق الأوسط بوزارة الخارجية البرازيلية، كارلوس سيرجيو سوبرال دوارتي.

المشاورات السياسية المغربية البرازيلية كتجي فوقيتة كتعيش فيه العلاقات بين البلدين واحد الاستقرار الملحوظ ودينامية ملموسة انعاكسات على وجهات النظر المتوافقة بين البلدين فالفترة الأخيرة على مستوى مختلف القضايا الإقليمية والدولية ذات الاهتمام المشترك.

هاد الاستقرار فالعلاقات وليد للمواقف البرازيلية من نزاع الصحراء فالسنوات القليلة الماضية، بحيث كانت من بين الدول اللي وقفات على الحياد بخصوص النزاع خلال فترتها كعضو غير دائم بمجلس الأمن الدولي ورفضات تنخارط فأي مؤامرات ضد المملكة المغربية والوحدة الترابية.

وبالإضافة لسلسة المواقف البرازيلية كانت سجلات ديجا موقف فالاجتماعات التحضيرية ديال منظمة “بريكس” فاش رفضات مشاركة البوليساريو فالقمة، وهو الموقف اللي كشف عن حسن نوايا الحكومة البرازيلية تجاه السيادة المغربية على الصحراء.