الصحراء اليومية/العيون
كلشي كيعرف أن عصبة الصحراء لكرة القدم دازت من مجموعة من المشاكل منها ما هو مادي و حتى معنوي..و كلشي كيعرف أن الأندية المنضوية تحت لوائها كتعاني بزاف..الدعم مكاينش، حتى الموارد الاستشهارية مكدورش فالمنطقة عندنا و مكيناش ثقافة الإشهار عندنا فالصحراء..
هاذ العصبة دازو عليها مجموعة من الرؤساء و الحال بقى كما هو عليه، والعصب فباقي داخل المملكة تقدمو بزاف..مشاو بعيد.
المهم هاذ ليام وقع توافق بين 2 ديال اللوائح لي قدمات 2 المرشحسن ديالها، و تم التوافق بتدخل أحد المنتخبين على المرشح “الحسين بنعويس” لي هو إطار تبارك الله كفئ و غادي إمشي بعيد بهاذ العصبة، و لكن كمتتبعين للشأن الرياضي فالمنطقة سمعنا بأن الإطارين “بيه حمدناه” و “رمضان بوفوس” مغديش إدخلو للتشكيلة أجديدة ديال العصبة، و هذا فحد ذاتو شيء غادي يأثر على العصبة، علاش لأن الإطارين عندهوم ميقولو فهاذ الشأن، عندهوم كفاءة و تجربة كبيرة، و حتى الثقافة و أبجديات كرة القدم حاضرة بالإضافة إلى الكاريزما القوية.
باش نمشيو بهاذ العصبة بعيد و باش نطلعو النيفو بزاف و تكون حتى حنا عندنا عصبة قوية، خصنا نشوفو شي حل و خص الناس لي قادو هاذ التوافق الإيجابي إحاولو إتوافقو عاود تاني مع هاذ 2 الإطارين “حمدماه بيه” و “بوفوس رمضان” باش إقنعوهوم إتراجعو على القرارات ديالهم و يلتاحقو بالمكتب أجديد ديال العصبة لأن حتى فكرة الإستغناء عنهم ليست في صالح سيرورة العصبة..
و للإشارة..فالناس لي وقع عليهم التوافق بحال بنعويس و بديديه راه حتى هما عندهم كفاءة و تجربة كبيرة فالميدان الرياضي..
