شباب المسيرة كَيْدْخَلْ لْحَالة النفير… اجتماع طارئ ومنح خيالية قْبَلْ جُوجْ ديال الماتشاتْ المصيرية..

الصحراء اليومية/العيون

خطوة كبيرة ديال الدعم، دارْتْ إدارة شباب المسيرة يوم الاثنين 13 يوليوز 2026 اجتماع طارئ مع الطاقم التقني والإداري واللاعبين كامْلين فْمقر إقامة الفريق.

الاجتماع كانْ عْلى وُدْ آخر الترتيبات ديال جوج ديال الماتشات ديال السَّدْ لِّي غادي يطلعو للقسم الوطني الأول.

الأجواء كانت سخونة وفيها الحماس. الرئيس وأعضاء المكتب، مع المدرب والطاقم واللاعبين، كامْلين جلسو فطاولة وحدة والهدف واحد: “نكسرو هاد الحاجز ونطلعو”.

الإدارة ما خَلاَّتْ ما دارتْ، عَلْنَات عْلى منح مالية استثنائية إلى  طْلع الفريق، وُزِيد عليها أحسن ظروف ديال المبيت والتنقل والماكلة باش اللعابة إِكونو مركزين 100%.

المدرب شْرح الخطة ديال الماتشين، وشدد عْلى خاصنا نَتْقَاتْلُو على كل كورة ونلعبو 90 دقيقة بالنفس.  

واللاعبين؟ العين حمرا والعهد واحد: “نْموتو على القميص”.