ضَاعْ الحُلْمْ: شَبَابْ المَسِيرَة كَيْطِيحْ قَدَّامْ اتِّحَادْ تْوَارْكَة بْثْلاَثَة لْصِفْرْ فْمُبَارَاةْ الإِيَّابْ..

الصحراء اليومية/العيون

تَبَخَّرَ حُلْمْ فَرِيقْ شَبَابْ المَسِيرَة فْالصُّعُودْ، بَعْدَ مَا تْعَرَّضْ لْهَزِيمَةْ قَاسْيَةْ بِ3-0قُدَّامْ فَرِيقْ اتِّحَادْ تْوَارْكَة، فْمُبَارَاةْ الإِيَّابْ اللِّي تْلْعْبَاتْ اليُومْ.

الشَّبَابْ دْخَلْ لْهَادْ المُبَارَاةْ وَهُوَ مْحْتَاجْ لِـ “رِيمُونْتَادَا” بَعْدَ نَتِيجَةْ الذَّهَابْ، وَلَكِنْ الأُمُورْ مَا مْشَاتْشْ كِيفْ بْغَاوْ اللّْعَابَة وَالْجُمْهُورْ.

مَنْ بِدَايَةْ المُبَارَاةْ بَانْ اتِّحَادْ تْوَارْكَة قَاصْدْ يْحْسَمْهَا بْكْرِي. وَبِالفِعْلْ قْدَرْ يْسَجِّلْ الهَدَفْ الأَوَّلْ فَالدَّقَايِقْ الأخيرة من الشوط 2، وَخَلَّعْ الحِسَابَاتْ دْيَالْ شَبَابْ المَسِيرَة.

 اللّْعَابَة حَاوِْلُو يْرْجْعُو فَالنَّتِيجَة وَيْضَغْطُو، وَلَكِنْ الدِّفَاعْ دْيَالْ تْوَارْكَة كَانْ وَاقْفْ مْزْيَانْ وَسَدّْ كُولْشِي.

وَمَعَ المُحَاوَلَاتْ دْيَالْ الشَّبَابْ بَاشْ يْرْجْعُو، جَا الهَدَفْ الثَّانِي دْيَالْ اتِّحَادْ تْوَارْكَة تُمَّ الهدف 3  وَقْضَى عَلَى كُولْشِي.

بْهَادْ النَّتِيجَة دْيَالْ 3 لْصِفْرْ، كَيْطْوِي شَبَابْ المَسِيرَة صَفْحَةْ هَادْ المَوْسِمْ بَشْوِيَّةْ دْيَالْ الحُزْنْ، وَكَيْبْقَى لِيهْ غِيرْ إِلَمْ الشَّتَاتْ وِ إِوَجَّدْ لِلْعَامْ الجَّايْ.

الجُمْهُورْ الصحراوي عَبَّرْ عَلَى تْقَدِيرُو لِلْمَجْهُودَاتْ دْيَالْ اللَّعَابَة رَغْمَ الإِقْصَاءْ، وَطَالَبْ المَكْتَبْ المُسَيِّرْ بْإِعَادَةْ تَرْكِيبَةْ الفَرِيقْ وَتْصْحِيحْ الأَخْطَاءْ.