الصحراء اليومية/العيون
اسْمْ مُحَمَّدْ وَلْدْ الرَّشِيدْ وَلَّى كَيْتْذْكَرْ بْزَّافْ هَادْ الأَيَّامْ، رَئِيسْ مَجْلِسْ المُسْتَشَارِينْ، وَفَالوَقْتْ نَفْسُو عُضْوْ جِهَةْ العُيُونْ السَّاقِيَةْ الحَمْرَاء وَعُضْوْ جَمَاعَةْ العُيُونْ، مَسَارْ كَيْبَيَّنْ بَاللِّي الخَدْمَةْ وَالقُرْبْ مَنْ النَّاسْ كَيْوَصَلْ.
مَا جَاتْشْ المَنَاصِبْ بِالصُّدْفَةْ. السِّيد مُحَمَّدْ ولدالرشيد خَدْمْتُو مَنْ التَّحْتْ، قْرِيبْ لِلمُوَاطِنْ، كَانْ كَيْسْمَعْ لِلشَّكَايَات، وَكَيْتْصَنَّتْ لْمَشَاكِلْ النَّاسْ وَاحْدْ بْوَاحْدْ، هَادْ الرُّوحْ دْيَالْ الخَدْمَةْ المَيْدَانِيَّة هِيَ اللِّي عْطَاتُو الشَّرْعِيَّةْ وُوْصْلَاتُو لْمَجْلِسْ المُسْتَشَارِينْ.
اليَوْمْ كَرَئِيسْ لِلغُرْفَةْ الثَّانِيَةْ، جَابْ مَعَاهْ نَفَسْ جْدِيدْ.
مْنْ نْهَارْ تْسَلَّمَ الرِّئَاسَةْ، بَانْتْ التَّغْيِيرَاتْ.
السِّيدْ الرَّئِيسْ خْدَمْ عَلَى إِعَادَةْ هَيْكَلَةْ المَجْلِسْ، وَفْتَحْ البَابْ أَمَامْ النِّقَاشْ الجَادْ وَالمَسْؤُولْ، الوَلَايَةْ دْيَالُو تْمَيْزَاتْ بِالفَعَّالِيَّةْ وُتَنْزِيلْ مُقَارَبَةْ جْدِيدَةْ: مَجْلِسْ كَيْقْتَارْحْ وَكَيْتَابْعْ وَكَيْدَافْعْ عْلَى قَضَايَا الوَطَنْ وَخَاصَّة قَضِيَّةْ الوَحْدَة التُّرَابِيَّة.
أَهَمْ حَاجَةْ فَالسِّيدْ مُحَمَّدْ ولدالرشيد هِيَ القُرْبْ. بَاقِي هو نَفْسْ الشَّابْ اللِّي كَيْخْدَمْ مْعَ المُوَاطِنِينْ.
كَيْآمْنْ بَالِّي المُسْتَشَارْ خَاصُّو يْكُونْ صَوْتْ الشَّارِعْ دَاخْلْ المُؤَسَّسَةْ، لْهَادْشِي كَيْحْرَصْ دَايْمًا عَلَى أَنَّ المَجْلِسْ إِكُونْ مَفْتُوحْ عْلَى انْشِغَالَاتْ النَّاسْ: التَّشْغِيلْ، التَّنْمِيَةْ، وَالمَشَارِيعْ لكْبَارْ.
بْصِفْتُو عُضْوْ جِهَةْ وَجَمَاعَةْ العُيُونْ، كَيْمَثِّلْ الأَقَالِيمْ الجَنُوبِيَّة أَحْسَنْ تَمْثِيلْ، كَيْدَافَعْ عْلَى النَّمُوذَجْ التَّنْمَوِي وَكَيْنْقُلْ صُورَة جِهَةْ العُيُونْ كَجِهَةْ دْيَالْ الاسْتِقْرَارْ وَالفُرَصْ.
مُحَمَّدْ وَلْدْ الرَّشِيدْ نَمُوذَجْ لِلشَّابْ الطَّمُوحْ اللِّي خْدَمْ وُوْصَلْ عَنِ اسْتِحْقَاقْ. قَادْرْ إِجْمَعْ بَيْنْ المَسْؤُولِيَّة الوَطَنِيَّة فَالرِّئَاسَة، وَالقُرْبْ المَحَلِّي كَعُضْوْ مُنْتَخَبْ.
وُفَالوَقْتْ اللِّي كُلْشِي كَيْطَالَبْ بِالتَّغْيِيرْ، هُوَ بَيَّنْ بَاللِّي التَّغْيِيرْ كَيْبْدَا بَالخَدْمَةْ وُبِسَمَاعْ النَّاسْ.
