الطرح غادي إسخن..غير دابا لشكر أمين عام حزب الوردة هو و حسن الدرهم و محمد الرزمة و عبدالله بوفوس دخلو لعيون و ها لبروكرام ديالهم..

الصحراء اليومية/العيون

هاذا و احد شوي باش دخل ادريس لشكر أمين عام حزب الاتحاد الاشتراكي رفقة بديعة الراضي و حسن الدرهم و محمد الرزمة و عبدالله بوفوس لي كان رايس الوفد دخلو لعيون.

صباح غادي إمشيو لسمارة باش إعطى الأمين العام التزكية لأحد أبناء السمارة و لي بان مؤخرا على المستوى الرياضي و لي ولات عندو شعبية كبيرة، و من بعد غادي إرجعو لعيون باش إزكيو محمد الرزمة فلعيون.

و من بعد لعيون غادي إمشيو لبوجدور باش الأمين العام لشكر إزكي تماك حسن الدرهم..

بخلاصة..حزب الوردة دخل مجهد هاذ المرة للانتخابات البرلمانية فالصحرا..متنساوش بأن محمد الرزمة و حسن الدرهم راهم عندهوم شعبية كبيرة و عندهم احتكاك و تواصل دائم  مع المواطنين..يعني ان الانتخابات جايا غادي تشعل أحبيبي..