يهم والي لعيون: فريق شباب المسيرة واقف دابا على طلوع..هاذ السيمانا غادي إبان العربون..خص الوالي استقبل اللاعبين و حفزهم و يرفع من معنوياتهم كيف مادار والي مكناس لي استقبل اللعابا ديال مدينتو..

الصحراء اليومية/العيون

مزال جوج دورات باش تسالي البطولة وفريق شباب المسيرة لعب أدوار كبيرة هذا العام بالقسم الوطني الأول ممتاز وراه كينافس فرق على الورقة لي بقات، باش يلعب العام الجاي بالقسم الإحترافي الثاني.

الفريق الصحراوي  لعب البارح فسيدي قاسم وجاب الڤيكطوار،  بهاذ الانتصار ولا الفريق فالرتبة الرابعة ب45 نقطة، من بعد فتح الناظور و مكناس،  دابا خاص كلشي يدير إدو  فيد الآخر  باش الفريق ديالنا إحقق الصعود، وخاص المسؤولين فلعيون يديرو حتى هما ما دارو ناس مكناس والناظور المنافسين ديال المسيرة، وخاص والي الجهة يستقبل اللاعبين باش يحفزهم شويا باش يرفع ليهم من معنوياتهم وحقو الهدف وتمعش حتى المدينة شويا، و تحرك اقتصاديا ملي نبقاو نشوفو فراق كبار إلعبو فلعيون..