جماعة العيون بتنسيق مع العصبة الجهوية العيون الساقية الحمراء لكرة القدم و بدعم من مؤسسة أهل الرشيد للأعمال الخيرية دارو بادرة زْوينة ولكن بلا ميْعقدو ندوة صحفية..

الصحراء اليومية/العيون

بادرة زوينة دارْتْها جماعة العيون بتنسيق مع العصبة الجهوية العيون الساقية الحمراء لكرة القدم و بدعم من مؤسسة أهل الرشيد للأعمال الخيرية وبغات من خلالها تْنَشَّطْ لمدينة و نظمات بطولة رمضان فكرة القدم..

حتى لَهْنَا مزيان و حتى الفكرة جاتْ فمحلها، و لكن لي كان خصُّو إدَّارْ  و مدَّارشْ هو أن المشرفين على هاذ التظاهرة لكبيرة مفَكْرُوشْ إعقدو ندوة صحفية، باش حْنا الإعلاميين المهنيين تْكُونْ عندنا فكرة مُسْبقة على هاذ التظاهرة، باشْ نقدْرُو نعرفو الميزانية المخصصة لها و نعرفو الفرق المشاركة، و نعرفو أيضا الجهات المانحة، واش هاذ الشي لي قُلت فيه شي غلط، واش من حقنا نوصلو للمعلومة…راه حنا الإعلاميين شركاء بواحد الطريقة غير مباشرة فهاذ التظاهرة، ولكن لي ماشي مقبول هو انك تقول لي أجي تَحْضر للإفتتاح، بدلا متقولي راه كاينة ندوة صحفية.

المهم لي كنتمنى من المشرفين على هاذ التظاهرة هو أنه إحاولو إعقدو ندوة صحفية صباح باش كلشي إتوضَّحْ و دُوزْ فشفاقية و وُضوح، لأن هاذ الإقتراح راه متعارف عليه وطنيا و حتى دوليا..راه مكاينْش شي تظاهرة كتْدَارْ إلى مسبقاتها ندوة صحفية.. ولكن على العموم الله إوفَّقْ..