12 محطة بارزة فْنزاع الصَّحْرَا فْـ 2023.. مشاورات غير رسمية وإرهاب البوليساريو وبُعد أطلسي وخنوع نظام العسكر..الحلقة3 ..

الصحراء اليومية/العيون

دازْ نزاع الصَّحْرَا بالعديد من المحطات فسنة 2023، محطات اللي مر فيها النزاع بمراحل متذبذبة بين حركية وجمود، وبين تصعيد وأوقات حرجة على المستوى الميداني رافقها إمتصاص الدبلوماسية لهاد الوضع الحرج، ولكن بصفة عامة النزاع ما كاين حتى إنعكاس على المسار السياسي الملف اللي بقا يُراوح مكانه بلا ما تحقق فيه أي خطوة نحو على الأقل إعادة إطلاق العملية السياسية، بسباب تصلب المواقف والوضع الدولي الصعيب وتصنيف النزاع كمسألة ثانوية فالأجندة الدولية.

اليوم غادي نحاولو نذكروا بـ 12 حدث داز منها النزاع فعام 2023، أو 12 محطة فيه كان لي الوقع الكبير على المستويين السياسي والميداني، وحتى المستوى التقني المتعلق بالمنطقة العازلة ودور بعثة الأمم المتحدة فالصحراء اللي غارقة فالنزاع بلا ما تكون عندها آليات باش تقدر تنفذ ولايتها الإنتدابية المتعلقة بمراقبة إتفاق وقف إطلاق النار

الإعتراف الإسرائيلي بمغربية الصحراء

من أبرز المحطات اللي دازت فنزاع الصحرا فعام 2023، كان الإعتراف الإسرائيلي بمغربية الصحراء، نهار 17 يوليوز 2023، بحيث بشكل فجائي أصدر الديوان الملكي بيان قال فيه أن جلالة الملك محمد السادس، وصلاتو رسالة من رئيس الوزراء الإسرائيلي، بنيامين نتانياهو، كيقول فيها أن إسرائيل قررات تعتارف بسيادة المغرب على الصحراء وأنها غادي تخبر الأمم المتحدة والمنظمات الإقليمية والدولية التي تعتبر إسرائيل عضوا فيها، وجميع البلدان التي تربطها بإسرائيل علاقات دبلوماسية بهاد القرار، بالإضافة لكون القرار غادي يتم تجسيدو في كافة أعمال ووثائق الحكومة الإسرائيلية ذات الصلة، وأنها تدرس فتح قنصلية لها بمدينة الداخلة.

هاد القرار كان صادم بالنسبة للجزائر والبوليساريو وحاولوا ما أمكن تبخيسو، ولكن حقيقة الأمر أنهم كيعرفو قوة إسرائيل السياسية وعلاقاتها وتغلغلها سواء في أمريكا أو فعدد من القارات بحال أوروبا وحتى فالمنظمات الدولية الشيء اللي ممكن يتم إستثمارو فدعم مغربية الصحرا وفإقبار أي محاولة معادية تقدر تكون من طرفهم أو من طرف داعميهم، لاسيما جنوب أفريقيا