بَسْبَابْ افتتاح أوطيل فالداخلة…البوليساريو كَتْمُوتْ غِيرْ بْوُحْدْهَا..وُ بَارْكَا غِيرْ عْلَى التهديد..
الصحراء اليومية/العيون
كتحاول جبهة البوليساريو جاهدة ثني سلسلة الفنادق الإسبانية “سيناتور” على الاستثمار فالصحرا وبالخصوص فمدينة الداخلة من بعد إعلانها عن افتتاح فندقها فشهر ماي الجاي.
البوليساريو ومباشرة بعد الإعلان عن افتتاح “سيناتور” لفندقهم فالداخلة راسلات، خوسيه ماريا روسيل ريكاسينس، رئيس شركة سيناتور، كتحذرو من الإستثمار فالصحرا وهدداتو باتخاذ إجراءات قانونية ضد الشركة.
وعارضات البوليساريو الاستثمار الإسباني فمدينة الداخلة وفنفس الوقت طالباتو يتلاقاهم باش يقدموا للشركة توضيحات ويقيمو هاد المشروع لأنه لا يتماشى مع الوضع السياسي ديال المنطقة، على حد زعم البوليساريو.
المشاريع اللي كيديرو الشركات العالمية فالصحرا كتفقص جبهة البوليساريو وكطالب هاد الشركات بأنهم إلى بغاو يديرو شي مشروع خاص يهدرو معاها وهاد الإجراء ما يمكنش يكون لأن ما عندها حتى صفة، زايدون هاد الإجراءات اللي كدير الغرض منها هو عرقلة المسار التنموي السوسيو اقتصادي ديال المنطقة الشي اللي كيرفضوه الشركات بحكم أن الاتحاد الأوروبي براسو كيأكد على عدم عرقلة الاستثمار فالصحرا وحرمان ساكنة المنطقة من أثرها المباشر بسباب الوضع السياسي اللي كتحاول الأمم المتحدة تحلو.
