الصحراء اليومية/العيون
تكتمات وزيرة الشؤون الخارجية الجنوب إفريقية، ناليدي باندور، على فحوى الاجتماع اللي دارتو مع المبعوث الشخصي للأمين العام للأمم المتحدة لنزاع الصحراء، ستافان دي ميستورا، تهار الاربعاء، خلال الزيارة اللي دار بدعوة من حكومة جنوب أفريقيا.
ووصفات وزيرة الخارجية الجنوب إفريقية الاجتماع ديالها مع المبعوث الشخصي ستافان دي ميستورا بكونه كان مفيد، بدون ما تقدم توضيحات حول صلب المناقشات اللي كانت وشنو كان فيها، وذلك تماشيا مع مقاربة التكتم اللي خدام بيها دي ميستورا من نهار خدا المنصب.
وزيرة الخارجية الجنوب أفريقية، ناليدي باندور، قالت فجواب على سؤال حول هاد الزيارة ديال المبعوث الشخصي ستافان دي ميستورا، بأن “النقاش كان مفيد وكانت فيه دراسة ديال بعض المقاربات المتعلقة بالصحراء الغربية”.
وتهربات ناليدي باندور من الجواب بشكل واضح وقالت “هادشي سري” وخاصها وقت باش تجاوب على الأسئلة فهاد الموضوع.
ويذكر أن الأمم المتحدة كانت وضحات على لسان المتحدث الرسمي باسم الأمين العام للأمم المتحدة، ستيفان دوجاريك، أن زيارة ستافان دي ميستورا لجنوب إفريقيا كتجي باش يدفع بالعملية السياسية لنزاع الصحرا إلى الأمام.