نظام العسكر مستهدف سييراليون اللي معتارفة بمغربية الصحرا وعندها العضوية غير الدائمة وبدا التقرب منها بدعوتها لتبادل السفراء

وركز نظام العسكر بشكل كبير على دولة سييراليون اللي عندها موقف مسبق من نزاع الصحراء وكتدعم مغربيتها والسيادة الوطنية للمملكة، وعندها ديجا قنصلية فالداخلة، وحاول ما أمكن التقرب منها من خلال توجيه الدعوة لوزير خارجيتها موسى تيموتي كابا، اللي وصل الجزائر البارح الأحد، ودار مباحثات مع نظيرو الجزائري، أحمد عطاف.

المحادثات اللي دارو وزراء خارجية الجزائر وسييراليون بينات التوجه الجزائري نحو سييراليون، بحيث قال احمد عطاف أن الهدف الأول من الزيارة هو فتح سفارات البلدين وتبادل السفراء، ما يحيل على بداية للتنسيق السياسي اللي غادي يكون فيه تغيير الموقف السييراليوني من نزاع الصحراء هو الأولوية ديال نظام العسكر.

ويشار أن رئيس الموزمبيق اللي بلادو أيضا عضو غير دائم فمجلس الأمن، فيليب خاسينتو نيوسي، سبق ليه زار الجزائر نهار 24 فبراير الماضي، مع العلم أن موقف الموزمبيق معروف ومعادي للوحدة الترابية للمملكة المغربية.