+ (لبروݣْـرام)..هَا وَقْتَاشْ غادِي تْكُونْ الجلسة لِّي غَادِي إِتْنَاقْشْ فيها نزاع الصحراء..

الصحراء اليومية/العيون

عْلَنْ مجلس الأمن الدولي تحت الرئاسة الشهرية ديال دولة مالطة عن جدول أعمالو ديال شهر أبريل 2024.

وفهاد الصدد، حدد مجلس الأمن الدولي يوم الثلاثاء الموافق لتاريخ 16 أبريل 2024، موعدا للجلسة اللي غادي إِتناقش فيها نزاع الصحراء، بموجب قرار مقتضيات قرار مجلس الأمن الدولي حول الصحراء رقم 2703 الصادر في أكتوبر الماضي.

وخلال الجلسة غادي يقدم كل من المبعوث  الشخصي للأمين العام للأمم المتحدة لنزاع الصحراء، ستافان دي ميستورا ورئيس “مينورسو” ألكسندر إيفانكو جوج إحاطات أمام أعضاء مجلس الأمن الدولي.

المبعوث الشخصي للأمين العام للأمم المتحدة لنزاع الصحراء، ستافان دي ميستورا غادي يهدر على  الأحداث اللي وقعات من نهاية أكتوبر اللي فات وأهم المحطات اللي دازت منها القضية، وكذلك جهودو وشنو دار فهاد الفترة ديال ست شهور ومع من تلاقى وشنو هي تصورات أصحاب المصلحة.

وبالإضافة للإحاطة ديال دي ميستورا، غادي يقدم رئيس بعثة “مينورسو” الروسي ألكسندر إيفانكو إحاطة حتى هو باش يقوليهم شنو دارت بعثة الأمم المتحدة “مينورسو” وشنو هوما الإكراهات اللي كتواجهها وشنو العراقيل المطروحة وأهميتها باش توفر جو ملائم للدفع بالعملية السياسية ديال الملف وحفظ أمن واستقرار المنطقة.