بعد التقارب المغربي الكيني ورسالة الرئيس للملك محمد السادس والزيارة المرتقبة للرباط .. نظام العسكر صَيْفَطْ وزير خارجيتو لكينيا

الصحراء اليومية/العيون

طارْ وزير خارجية نظام العسكر الجزائري، أحمد عطاف، اليوم الإثنين الموافق لتاريخ 08 أبريل 2024 لكينيا فإطار زيارة رسمية غادي يتلاقى فيها المسؤولين الكينيين.

وكتجي زيارة وزير خارجية نظام العسكر الجزائري، أحمد عطاف لكينيا مباشرة بعد الزيارة اللي دار الكاتب الأول المكلف بالشؤون الخارجية في كينيا، أبراهام كورير سينگوي، للمملكة المغربية نهار 21 مارس الماضي، واللي عطا فيها رسالة لوزير الشؤون الخارجية والتعاون الأفريقي والمغاربة المقيمين في الخارج، ناصر بوريطة، موجهة من الرئيس الكيني، ويليام روتو للملك محمد السادس.

وتأتي زيارة أحمد عطاف أيضا أياما قليلة بعض التقارير الإخبارية اللي أشارت لزيارة مرتقبة للرئيس الكيني، ويليام روتو للمملكة المغربية، والتقارب اللي كاين بين نيبروبي والرباط فهاد الفترة الأخيرة، خاصة مع وجود فرص استثمارية كبيرة تتعلق ببناء مصنع للأسمدة فكينيا.

هاد التقارب بين الرباط ونيروبي كيشوف فيه نظام العسكر الجزائري أنه كيهددو، خاصة الموقف الكيني من نزاع الصحراء وغادي يحاول ما أمكن انه يعرقلو وما يخليهش يكمل وعلى الأقل ما يتغيرش الموقف الكيني ويبقى فالحياد بعيد الإعتراف بمغربية الصحرا.