توفى مساء الخميس ممثل جبهة البوليساريو فكولومبيا، أماه ولد يحظيه ولد النن، بعد صراع مع مرض القلب.
وكان المعني بالأمر المزداد بتاريخ 1968 دار عملية جراحية على مستوى القلب قبل أيام، قبل ما يصاب بوعكة صحية ويتوفى بعد نوبة قلبية.
والمعني بالأمر ماشي من القياديين الكبار فمنظومة جبهة البوليساريو، وسبق كان عندو منصب نائب لتمثيلية الجبهة فاستورياس فالصبليون قبل ما يتم تعيينه في منصب ممثل ليها فكولومبيا من 2020 إلى 2023.
ممثل البوليساريو اللي من قبيلة “الرگيبات السواعد” سبق ليه تلاقى الرئيس الكولومبي عدة مرات بحكم أن كولومبيا تعترف بجبهة البوليساريو ودايرة ليها “سفارة” فالعاصمة بوگوتا.
