أشْ وَاقْعْ لْفرِيقْ شباب المسيرة لكرة القدم…

الصحراء اليومية/العيون

حْنَا كمتتبعي الشأن الرياضي فجهة لعيون و كغيورين عْلى هاذْ القطاع، بْغِينَا نْشُوفُو فريق شباب المسيرة فالقسم الوطني الأول، و بْغِينا نشوفوه فالمنافسات القارية وُعْلاَشْ حْتَّى الدولية…

ولكن هاذ الحُلم راهْ كَيْبْقَى مَن سابع المستحِيلات، لأن لجنة تصريف الأعمال المؤقتة لِّي كانت كتْجِيرِي الفريق راه مبْقَى لِيهَا والُو تسالي المدة ديالها..، ولكن المشكل لَكْبيرْ هُو أن الجمع العام مَزالْ مَدَّارْ مع العلم أن الجامعة الملكية المغربية لكرة القدم حَدْدَاتْ آخر أجل يوم 15 شهر 8..يعني أن الفريق خَصُّو إدِير الجمع العام ديالو فْهاذ الأسابيع المقبلة وَإِلاَّ غَادِي إِبْقَى إِخَلَّصْ كل شْهَرْ 10 مليون سنتيم كغرامة طِبقا للقرار الجامعي..

ها لِّي مَبْغِيناهْ وُ المثل كيقول مَقَدُّو فيل زَادُوهْ فيلة..

ولكن المشكل الخطير هو أن الفريق مزال كيْقَلَّبْ عْلَى مدرب و الوقت مَبْقَاشْ وُ البطولة عْلَى الأبواب وُ الانتدابات مزال مَدَّارْتْ وُ التربصات باقي عْلى الله..زِدْ على ذلك أن فريق الأمل باقي كَتْسَنَّاه منافسات..

سْمَعْنَا بأن الفريق غَادِي إتْعَاقْدْ مْعَ مساعد مدرب لِّي هُو مَنْ أبناء المنطقة، هاذْ الفكرة زْوينة فْحَدْ ذَاتْهَا..

المهم كنْطالْبُو مَنْ الشركة الرياضية فْشخْصْ حسن الدرهم لِّي كَيْبَانْ لِي بْحَالْ إلى مَمْسَوَّقْشْ.. باشْ إتْحَرَّكْ قْبَلْ مَيْفُوتْ الفُوتْ ..عْلاَشْ لأننا نحب فريق شباب المسيرة و نَغَارُ عليه و نعشقه..