تَوْقِيفْ شَخْصَيْنِ بِالْمَرْسَى لِتَوَرُّطِهِمَا فِي تَصْوِيرِ النَّاسِ وَنَشْرِ صُوَرِهِمْ دُونَ مُوَافَقَتِهِمْ..

الصحراء اليومية/العيون

تْمَكْنَاتْ عَنَاصِرُ الفِرْقَة المَحَلِّيَّة دْيَال الشُّرْطَة القَضَائِيَّة فْمُفَوَّضِيَّة المَرْسَى بِالعُيُونْ، لِيلَة الجُمُعَة 18 يُولْيُوزْ، مِنْ تَوْقِيفْ جُوجْ دْيَال الشَّبَابْ عْنْدْهُمْ 20 وَ 21 عَامْ.

التَّوْقِيفْ جَا عَلَى خَلْفِيَّة شْكَايَاتْ وَ تَسْجِيلَاتْ فِيدْيُو تْبَارْتَاجَاوْ فْمَوَاقِع التَّوَاصُل الاجْتِمَاعِي، كَيْبَانُو فِيهَا المُشْتَبَهْ فِيهِمْ كَيْدِيرُو شِي تَصَرُّفَاتْ خَطِيرَة.

حَسَبْ البَحْث الأَوَّلِي، الشَّبَابْ بْجُوجْ كَانُو كَيْدِيرُو مُفَرْقَعَاتْ فـ “القُبَّعَاتْ” دْيَال النَّاسْ وَلَّا كَيْلُوحُوهَا حْدَاهُمْ فَبْلَاصَة عَامْرَة، بِهَدَفْ يْخَلْعُوهُمْ وَ يُصَوْرُو رَدَّة الفِعْل دْيَالْهُمْ. مِنْ بَعْدْ كَيْنْشُرُو دِيكْ الفِيدْيُوهَاتْ فْمولقع التواصل الاجتماعي بْلَا مَا يَاخْدُو الإِذْنْ مِنْ النَّاسْ اللِّي تْصَوْرُو.

القَضِيَّة تْحَرَّكَاتْ مْنِينْ وَصْلَاتْ لْعَنْدْ الأَمْنْ، اللِّي فْتَحْ تَحْقِيقْ فْمَوْضُوع “الإِيذَاء العَمْدِي” وَ “المَسّ بِالحَيَاة الخَاصَّة دْيَال الأَشْخَاصْ وَ تَصْوِيرْهُمْ وَ بَثّ الصُّوَر دْيَالْهُمْ بْدُونْ مُوَافَقَتْهُمْ”.

دَابَا المُشْتَبَهْ فِيهِمْ تْحْتْ الحِرَاسَة النَّظَرِيَّة، تْحْتْ إِشْرَاف النِّيَابَة العَامَّة المُخْتَصَّة. وَ الهَدَفْ مِنَ البَحْثْ هُوَّ يْعَرْفُو وَاشْ كَايْنْ ضَحَايَا خْرِينْ، وَ شْنُو هُمَّا الدَّوَافِع الحَقِيقِيَّة اللِّي خَلَّاتْهُمْ يْدِيرُو هَادْشِي.

هَادْ القَضِيَّة رَجْعَاتْ النِّقَاشْ عَلَى خُطُورَة تَصْوِير النَّاسْ فَالزَّنْقَة وَ نَشْر الفِيدْيُوهَاتْ بْلَا إِذْنْ، وَ عَلَى العُقُوبَاتْ اللِّي كَتْطَالْ أَيّ وَاحَدْ كَيْسْتَعْمَلْ وَسَائِل التَّوَاصُل الاجْتِمَاعِي بَاشْ يْمَسّ بِكَرَامَة النَّاسْ.