مولود الكيرع والسّالك المحمودي.. شباب وكفاءة كيراهن عْلِيهُمْ الاتحاد الاشتراكي باشْ يربح رهان العيون..

الصحراء اليومية/العيون

فْقَلْب دِينَامِيَّة سِيَاسِيَّة كَتْغْلَى فْجِهَة العْيُون السَّاقِيَة الحَمْرَاء، قَدَّمَ الاتِّحَاد الاشْتِرَاكِي لِلقُوَّات الشَّعْبِيَّة وَجْهَيْن شَابَّين حَامْلِين لِمَشْرُوعْ تَنْمَوِي وَاضِح: مولود الكيرَع وَكِيلْ اللاَّئِحَة، والسَّالْك المَحْمُودِي وَصِيفْهَا.
هَاذْ الثُّنَائِي مَاشِي غِير أَسْمَاء فْوَرَقَة تَرْشِيح. رَاهُم وُجُوه مَعْرُوفَة فْالمَيْدَان، قْرَابْ مِنَ النَّاس، وَعَنْدْهُمْ تَجْرِبَة كَتْهَضَرْ عَلَى رَاسْهَا.
مُولُود الكيرَع رَاجْلْ دْيَال الخِبْرَة وَالمَسْؤُولِيَّة، عُضو المَجْلِس الجَمَاعِي وَعُضُو المَجْلِس الإِقْلِيمِي، وَعُضو غُرْفَة الصِّنَاعَة التَّقْلِيدِيَّة، وَرَئِيس عصبة الصَّحْرَاء لِلتِّيكْوَانْدُو، يَعْنِي رَاجْلْ مَتْحَرَّكْ فْالجَمَاعَة وَالإِقْلِيم وُفَالتَّأْطِير دْيَال الشَّبَاب الرِّيَاضِي. كَفَاءَة كَيْعْوَّلْ عْلِيهَا الحِزْب بَاشْ يَحْصَدْ المَقْعَد الثَّالْث فْالجِهَة.
أَمَّا السَّالك المَحْمُودِي فَهُوَ الوَجْه الشَّابّ الَّذِي كَيْمَثَّل نَبْض الجِيل جْدِيد، مَعْرُوف بَالقُرْب دْيَالُو مِنَ المُوَاطِنِين وُبِالانْخِرَاطْ دْيَالُو فْقَضَايَا السَّاكِنَة.
بْجُوج فِيهُمْ صفَة وَحْدَة كَتْجْمَعْهُمْ: القُرْب مَنْ النَّاس وُالرَّغْبَة فْخِدْمَة المَدِينَة. لَا لِغَة الخَشَب، لَا لِلْوُعُود الفَارْغَة. الخِطَاب دْيَالْهُمْ وَاضح: خِدْمَة، مِصْدَاقِيَّة، وَتَنْمِيَة حَقِيقِيَّة.

الاتِّحَاد الاشْتِرَاكِي فْالعْيُون كَيْلْعَبْ عْلَى وَرَقَة الشَّبَاب وَالكَفَاءَة، وَبْهَاد اللَّائِحَة كَيْبَانْ بَلِّي رَاهْ نَاوِي يْرْبَحْ الرِّهَان.

السُّؤَال دَابَا: وَاشْ سَاكِنَة العْيُون غَادِي تْصَوَّتْ عْلَى التَّجْرِبَة وَالقُرْب؟ الأَيَّام جَّايَة غَادِي تْجَاوْب.