الصحراء اليومية/العيون
إِلَى كَانْتْ السِّيَاسَة فْالصَّحْرَاء كَتْقَاسْ بَالمَيْدَان وَالنَّتَائِج، رَاهْ بَدْر المُوسَاوِي رَئِيس جَمَاعَة المَرْسَى ضَارْبْ المِثَال..
هَادْ الشَّابْ أَصْغَر قِيَادِي فْحِزْب الاسْتِقْلَال، وَلَكِنْ لِيهْ الفَضْل الكْبِير فْالمَقَاعِد لِي حَصْدْهَا الحِزْب فْالانْتِخَابَات لِّي فَاتْتْ. الرَّاجْل خْدَمْ التَّأْطِير، خْدَمْ الدِّعَايَة، وَحَرَّكْ الحَمْلَة مِنْ الزَّنْقَة لِلزَّنْقَة.
اليُوم بَدْر رَاهْ فَارْضْ رَاسُو مْزْيَان دَاخْل الحِزْب، وَفَارْضْ رَاسُو كْثَرْ فْالمَرْسَى.
هَادْ الأَيَّام بَدْر شَاعْلْهَا. اجْتِمَاعَات وَرَا اجْتِمَاعَات. كَيْتْلَاقَى مْعَ السَّاكِنَة، مْعَ المُنْتَخَبِين، مْعَ الشَّبَاب، وَكَيْهَضَرْ مْعَاهُمْ عَلَى الاسْتِحْقَاقَات المُقْبِلَة..
الْبَارْح دَارْ لِقَاء كْبِير مَعَ السَّاكِنَة وَأَعْضَاء الجَمَاعَة، الجَوْ كَانْ سْخُون وَالنِّقَاش كَانْ مَفْتُوح.
النَّاس وَلَّاتْ كَتْهَضَرْ: “بَدْر شْعَلْ العَافْيَة فْالمَرْسَى”. الشَّعْبِيَّة دْيَالُو طَالْعَة، حَيْتْ بَانْ بَلِّي رَاجْلْ دْيَال المَيْدَان مَاشِي دْيَال المَكَاتِب.
لِي عْطَى لَبَدْر هَادْ المَكَانَة هِيَ الخَدْمَة. نَاضَلْ مَنْ دَاخِل حِزْب الاسْتِقْلَال، وُفْرَضْ وُجُودُو بَالعَمَل. مَا تْسَنَّا حْتَى وَاحْدْ يْعْطِيهْ البْلَاصَة.
دَابَا وَهُوَ كَيْوَجَّدْ لِلاسْتِحْقَاقَات الجَايَة، الرِّسَالَة وَاضْحَة: المَرْسَى غَادْيَة لْقَدَّام، وُحِزْب الاسْتِقْلَال بْقِيَادَة بَدْر المُوسَاوِي نَاوِي يْزِيدْ يْقَوِّي الحُضُور دْيَالُو.
السُّؤَال لِي كَيْطَرْحُوهْ النَّاس: وَاشْ بَدْر غَادِي يْكَرَّرْ نَفْسْ الانْجَاز؟
الجَوَاب غَادِي إِعْطِيهْ الصُّنْدُوق…
