بسباب الصحرا..الجزاير فين مدارت شي كعية كتلصقها فالمغرب..هاذ صباح قالت بأنها حجزات 8 طن ديال الكيف داخلة من المغرب..راه كلشي عايق بها..
الصحراء اليومية/عبدالله بايه/العيون
دايما و كيف العادة، الجزاير كتبين نهار وراء نهار حقدها على المغرب و كتتاهمو فكل شيئ..هاذ الشي راه العالم عايق بيه ولى عادة عند حكام الجزاير .مشكل الصحرا دار ليهم تلفة و خربق ليه السلوك..هاذ صباح قال موقع جزائري أن المصالح الأمنية الجزائرية حجزت 8 طن و20.5 كلغ من الكيف المعالج تم محاولة إدخالها عبر الحدود مع المغرب.
و زاد قال أن وزارة الدفاع الوطني ديالهم كشفات في حصيلتها الأسبوعية اليوم، أن الجيش الوطني الشعبي ديالهم، بالتنسيق مع مختلف مصالح الأمن، تمكن من توقيف 12 تاجر مخدرات وحجزت خلال عمليات متفرقة عبر مختلف النواحي العسكرية، كميات كبيرة من الكيف المعالج تُقدر بـ 8 طن و20.5 كيلوغرام حاولت المجموعات إدخالها عبر الحدود مع المغرب. خص الجزائر و حكامها إعرفو بأن مشكل الصحر صافي سالى..لميريكان اعتارفات بمغربية الصحرا و فتح قنصليات فكل من لعيون و الداخلة خير دليل على سيادة المغرب على صحرائه..
