الصحراء اليومية/العيون
تشهد مخيمات تندوف منذ بداية الأسبوع الجاري سلسلة زيارات كيديروها متضامنين معها من إسبانيا والنرويج وإيطاليا بهدف تجديد التضامن معاها ودعمها.
الزيارات شملات وفود من منطقة لوغرونيو فإسبانيا ووفد من الشبيبة النرويجية ووفد آخر إيطالي من منطقة لومبارديا گالاردو، واللي تلاقاو مع قيادات جبهة البوليساريو ودارو زيارات ميدانية لمجموعة من المرافق من بينها الهلال الاحمر وغيرو.
هاد الزيارات واخا الوفود اللي جاو ما عندهم حتى قيمة سياسية وماشي وفود فاعلة فمجال بحال حقوق الإنسان أو غيرو، ولكن الغرض منها هو فقط خلق هالة إعلامية عندهم ويكذبوا على ناس مخيمات تندوف ويروجو لأنهم عندهم دعم ومساندة دولية، ويزيدو يطلبو الدعم.
هاد الزيارات كتجي فوقت كاينة فيها زيارات لوفود دبلوماسية دولية كبيرة لمدن العيون والداخلة تلاقاو فيها مسؤولين وحقوقيين وغيرهم، باش يطالعو على حقيقة الوضع السياسي والإقتصادي والإجتماعي فالأقاليم الجنوبية للمملكة ويوقفو على المغالطات اللي بغات البوليساريو تروج ليها خاصة فمجال حقوق الإنسان.
