فْأوَّلْ مُداخلة لِيهَا..البرلمانية الموالية لجبهة البوليساريو بْدَاتْ كَطَّبَّلْ لْجبهة البوليساريو…

الصحراء اليومية/العيون

استاغلات النائبة البرلمانية عن إئتلاف “سومار” المنحدرة من مخيمات تندوف، تسلم سيدي، مرورها الأول بالبرلمان الإسباني ومداخلتها باش تروج لجبهة البوليساريو.

وبدات النائبة الموالية لجبهة البوليساريو مداخلتها فالبرلمان الإسباني بتمجيد البوليساريو بمناسبة السنة 48 لما يسمى “قيام دولة البوليساريو” فمخيمات تندوف واللي كتحتافل بيه بتاريخ 27 فبراير، وهادشي كان تحت تصفيقات النواب البرلمانيين الداعمين للبوليساريو.

تسلم سيدي ما كتفوتش فرصة باش تدعم البوليساريو واخا الإئتلاف الذي تنتمي إليه واللي هو “سومار” حيد تقرير المصير من لاجوندا ديالو بعدما دخل الحكومة مع حوب العمال الإشتراكي بقيادة بيدرو سانشيث، وما بقاش كيطالب بيه كحل وهادشي بان فتصريحات زعيمتو يولاندا دياز.

ومن بين المحطات اللي استاغلاتها تسلم سيدي أيضا نهار ظهورها بقميص فيه علم البوليساريو فحفل تقديم النواب بالكونگرس الإسباني، بالإضافة لحضورها أنشطة تمثيلية البوليساريو فالصبليون وأوروبا من ندوات ولقاءات وغيرها.