الصحراء اليومية/العيون
استقبل الرئيس الجزائري، عبد المجيد تبون، نظيرو الموريتاني، محمد ولد الشيخ الغزواني، اللي كيدير زيارة للجزائر عي اثانية فغضون نحو 10 ايام بدعوة من نظام العسكر.

وكتجي زيارة ولد الغزواني للجزائر باش يشارك الرئيس الموريتاني فقمة منتدى الدول المصدرة للغاز، وذلك بعدما حازت موريتانيا عضوية المنتدى الكاملة، بناء على مخرجات الاجتماع الوزاري الاستثنائي للدول الأعضاء، وبعدما كانت عضوة مراقب فقط، وعي الصفة اللي خداتها أكتوبر اللي فات.
موريتانيا فالسنوات الأخيرة بدات كتوجه أنظارها للغاز، خاصة بعد الحرب الروسية الأوكرانية، الشي اللي خلاها توجد فالأيام المقبلة لتصدير أول شحنة ليها من حقل الغاز المشترك مع السنگال.
ويشار أن منتدى الدول المصدرة للغاز كيضم كل من روسيا وإيران والجزائر وبوليفيا وغينيا الإستوائية وليبيا ونيجيريا ومصر والامارات وترينيداد وتوباگو وفنزويلا، بالإضافة لموريتانيا دابا، وكذا السنگال وأنگولا وأذربيجان والعراق وماليزيا وموزمبيق والنرويج وبيرو اللي عندهم صفة مراقب.

