وزير الدولة لشؤون الشرق الأوسط وشمال أفريقيا فوزارة خارجية لِينْـݣْليزْ تْلاَقَى ستافان دي ميستورا..وُ هَضْرُو عْلَى مِلَفْ الصَّحْرا..
الصحراء اليومية/العيون
تلاقى اللورد طارق أحمد، وزير الدولة لشؤون الشرق الأوسط وشمال أفريقيا وجنوب آسيا والأمم المتحدة في وزارة الخارجية والكومنولث والتنمية، مساء الجمعة، فالعاصمة البريطانية لندن، المبعوث الشخصي للأمين العام للأمم المتحدة لنزاع الصحراء، ستافان دي ميستورا.
وأجرى الجانبان محادثات مطولة ناقشوا فيها نزاع الصحراء والمستجدات ديالو والجهود اللي كيدير ستافان دي ميستورا فإطار بحثه عن إستئناف العملية السياسية لنزاع الصحرا، وتذليل الصعوبات اللي كاينة بسباب تصلب مواقف الأطراف المعنية حول شكل هاد العملية السياسية وواش على شكل موائد مستديرة او لقاءات مباشرة.
وعلق اللورد طارق أحمد، وزير الدولة لشؤون الشرق الأوسط وشمال أفريقيا وجنوب آسيا والأمم المتحدة في وزارة الخارجية والكومنولث والتنمية، على اللقاء مع المبعوث الشخصي لنزاع الصحراء، ستافان دي ميستورا، وقال: “يسعدني أن ألتقي بستافان دي ميستورا، المبعوث الشخصي للأمين العام للأمم المتحدة إلى الصحراء الغربية، خلال زيارته إلى لندن”.
وأعلن المسؤول البريطاني عن موقف بلادو من النزاع، مشددا على دعمها للخدمة اللي كيدير دي ميستورا و”مينورسو”، وأنها كتواصل التشجبع على المشاركة فالعملية السياسية، موردا: ” وتواصل المملكة المتحدة دعم عمله وبعثة الأمم المتحدة للاستفتاء في الصحراء الغربية، وتواصل تشجيع المشاركة البناءة في العملية السياسية التي تقودها الأمم المتحدة”.
المبعوث الشخصي ستافان دي ميستورا كان مشا الاسبوع الماضي لروسيا وتلاقى وزير الخارجية الروسية، سيرگي لافروف، وأخطرهم بالمساعي اللي كيدير فيما يخص نزاع الصحراء وتصورو للنزاع وكيفاش ممكن تكون العملية السياسية ديال النزاع فحالة إطلاقها
ويذكر ان اللقاءات كتسبق الجلسة اللي غادي يدير مجلس الأمن الدولي حول الصحراء فشهر ابريل الجاي، واللي غادي يقدم فيها إحاطة حول نزاع الصحراء وخلاصة جهودو بناء على قرار مجلس الأمن رقم 2703، وهي الجلسة اللي غادي يتم تحديد موعدها بداية ابريل تحت الرئاسة الشهرية ديال دولة مالطا لمجلس الأمن الدولي.