12 محطة بارزة فنزاع الصحرا فـ 2023.. مشاورات غير رسمية وإرهاب البوليساريو وبُعد أطلسي وخنوع نظام العسكر..الحلقة1

الصحراء اليومية/العيون

داز نزاع الصحرا بالعديد من المحطات فسنة 2023، محطات اللي مر فيها النزاع بمراحل متذبذبة بين حركية وجمود، وبين تصعيد وأوقات حرجة على المستوى الميداني رافقها إمتصاص الدبلوماسية لهاد الوضع الحرج، ولكن بصفة عامة النزاع ما كاين حتى إنعكاس على المسار السياسي الملف اللي بقا يُراوح مكانه بلا ما تحقق فيه أي خطوة نحو على الأقل إعادة إطلاق العملية السياسية، بسباب تصلب المواقف والوضع الدولي الصعيب وتصنيف النزاع كمسألة ثانوية فالأجندة الدولية.

اليوم غادي نحاولو نذكروا بـ 12 حدث داز منها النزاع فعام 2023، أو 12 محطة فيه كان لي الوقع الكبير على المستويين السياسي والميداني، وحتى المستوى التقني المتعلق بالمنطقة العازلة ودور بعثة الأمم المتحدة فالصحراء اللي غارقة فالنزاع بلا ما تكون عندها آليات باش تقدر تنفذ ولايتها الإنتدابية المتعلقة بمراقبة إتفاق وقف إطلاق النار.

المشاورات غير الرسمية ولقاءات دي ميستورا مع أصحاب المصلحة

أولى التحركات اللي بانت فنزاع الصحرا فسنة 2023 كانت على المستوى السياسي والتقني وهاد الجوج مستويات عندهم إرتباط بيناتهم ولا يمكن فصلهم بحكم ان العملية السياسية لا يمكن انها تكشي لقدام تلا تذا توفرات ليها مجموعة من الشروط وهي التهدئة وضمان عمل عناصر بعثة الأمم المتحدة “مينورسو” سواء شرقي الجدار او غربه.

التحركات لي كانت فهاد المحطة أشرف عليها المبعوث الشخصي للأمين العام للأمم المتحدة لنزاع الصحراء، ستافان دي ميستورا، فالفترة مابين 27 مارس ختى لـ 31 من نفس الشهر، وشهدات هاد الفترة عقد ستافان دي ميستورا لإجتماعات فنيويورك مع ممثلي كل من المغرب والجزائر، وموريتانيا، وكذلك مع أعضاء مجموعة أصدقاء الصحراء الغربية  التي تضم كلا من فرنسا وروسيا وإسبانيا والمملكة المتحدة والولايات المتحدة الأمريكية في نيويورك، بالإضافة لممثل البوليساريو فنيويورك -ماشي الأمم المتحدة -.

هاد المشاورات كان الغرض منها الأساس هو تجاوز العراقيل المطروحة فوجه “مينورسو” بحيث كانت البوليساريو عرقلات خطوط إمداد البعثة شرق الجدار ومنعات عليهم التزود بالوقود والمؤونة، وهادشي كان كردة فعل على اتهاماتها للأمم المتحدة بمحاباة المغرب والتقاعس عن حل النزاع وعدم إدانتها للمغرب، وخاصة بعد تحرير معبر الگرگرات فـ 13 نونبر 2020.

ستافان دي ميستورا فهاد المحطة نجح أنه يدير مشاورات مع گاع أصحاب المصلحة ويتلاقاهم ويتم السماح لعناصر البعثة الأممية باش يتوصلو بالتموين والإمداد بدون عرقلة هاد الأمر من طرف جبهة البوليساريو، علما بأن هذا حقها وضروري باش تنفذ “مينورسو” ولايتها وتوقف على واقع الحال فالمنطقة شرق الجدار.

• يتبع.