ديمستورا زَارْ موريتانيا وُ تْلاَقَى وزير الخارجية ووزير الدفاع..

الصحراء اليومية/العيون

كيقُودْ المبعوث الشخصي للأمين العام للأمم المتحدة لنزاع الصحراء، ستافان دي ميستورا، زيارة تحت الدف لموريتانيا، بدءا من اليوم.

واستقبل وزير الدفاع الموريتاني، حننه ولد سيدي، اليوم الثلاثاء الموافق لتاريخ 2 أبريل 2024، المبعوث الشخصي للأمين العام للأمم المتحدة لنزاع الصحراء، ستافان دي ميستورا، فالعاصمة انواكشوط.
وأجرى المبعوث الشخصي ستافان دي ميستورا، محادثات ثنائية مع وزير الدفاع الموريتاني، حننه ولد سيدي، بحيث هدرو على تطورات نزاع الصحراء والمستجدات الميدانية ديالو فظل الأعمال العدائية ديال البوليساريو شرق الجدار الرملي وتنصلها من اتفاق وقف إطلاق النار، وهاد اللقاء واضح أنه مخصص للشق العسكري ديال النزاع فظل تقاسم موريتانيا لحدود مشتركة مع المغرب وكذلك تماسها مع المنطقة العازلة.

الزيارة ديال دي ميستورا المفاجئة ما زال ما معروفش واش غادي يتلاقى فيها الرئيس محمد ولد الشيخ الغزواني اللي مسافر لدكار وحضر حفل تنصيب الرئيس السنغالي الجديد اليوم الثلاثاء.

وهاد الزيارة كتجي استعدادا لجلسة مجلس الأمن الدولي المغلقة نهار 16 ابريل 2024 واللي غادي يقدم فيها إحاطة لأعضاء المجلس هو ورئيس “مينورسو” ألكسندر إيفانكو.