بزاف ديال الناس كيسولو، واش هاد القرار الثوري ديال الوزير فوزي لقجع غادي يشمل الأقاليم الجنوبية وُلاَّ لا؟ من العيون إلى الداخلة وبوجدور، المنطقة كتعتبر هي الرئة الحقيقية للثروة السمكية الوطنية. أكثر من 70% من الثروة السمكية وعدد كبير جدا من رخص الصيد في أعالي البحار، اللي معروفين عند المغاربة بـ “كريمات الحوت”، كاينين تمَّا، وكانو لعقود حكر على عائلات محدودة كتستافد من الريع بلا ما تدير حتى استثمار حقيقي فالمنطقة. القانون الإطار الجديد اللي كيهضر عليه لقجع ما هو إلا قطيعة مع هاد الماضي. نهاية الكريمة المجانية:* مبقاش شي حد غادي يشد رخصة صيد مدى الحياة وهو ناعس. أي رخصة غادي تولي بدفتر تحملات. دفتر تحملات شفاف:اللي بغا يصيد، خاصو يبني وحدات للتثمين، يخدم ولاد المنطقة، ويستثمر فالعيون والداخلة، ماشي يهز الحوت ويمشي يبيعو فكازا. فرصة لأبناء الصحراء: هادشي غادي يحل الباب قدام الشباب الصحراوي والمستثمرين الشباب الحقيقيين اللي عندهم أفكار ومشاريع، باش يدخلو للقطاع بمنافسة شريفة ونزيهة. نفس الشي بالنسبة لرمال الصحراء، زمن الاستغلال العشوائي والريع سالا. باختصار، كيف قال لقجع: *هادي هي نهاية اقتصاد الريع وبداية اقتصاد المنافسة والاستحقاق.* قرار كيعطي للصحراء حقها، وكيقول بأن ثروة الصحراء خاصها ترجع لأهل الصحراء وللمغاربة كاملين.
