شَدُّو لْبَارْحْ لحْشيش فالكركرات…التفاصيل..

الصحراء اليومية/العيون

عملية أمنية مشتركة بين البوليس والجمارك فمعبر الكركرات جنوب الداخلة، البارح الاثنين، قدرات تحبط محاولة تهريب شحنة كبيرة من مخدر “الشيرا” اللي كتوزن طن و934 كيلوغرام، وكانت مخبأة فشاحنة للنقل الدولي مسجلة فالخارج.

المصادر الإعلامية وُضْحات أن التفتيش لِّي دارْتُو عناصر الأمن فالحدود، خلاَّهُم إِلقاو هاد الكمية الكبيرة من “الشيرا” ملفوفة ومخبأة مزيان وسط شحنة ديال الخزنات الحديدية، وتم توقيف السائق والمعاون ديالو، لِّي هما مواطنين من دول إفريقيا جنوب الصحراء، وعندهم 31 و34 عام.

نفس المصادر قالت أن المتهمين دابا كيْتْحَقَّقْ معاهم تحت إشراف النيابة العامة المختصة، باش يعرفو تفاصيل هاد القضية وكل ما يتعلق بها، وكذا يشوفو واش كاينة شي شبكات أخرى مرتبطة بهاد العملية سواء داخل المغرب أو على الصعيد الإقليمي والدولي.

هاد العملية كاتجي ضمن الجهود اللي دايرينها مختلف المصالح الأمنية فمعبر الكركرات، باش يحاربو التهريب الدولي للمخدرات وكل أشكال الجريمة العابرة للحدود.