الدَّرَكْ المَلَكِي فْلَعْيُونْ كَيْضْرَبْ ضرْبة قاضية وَيَحْجِزْ أزْيَدْ مَنْ 3 طُونْ دْيَالْ الكُوكَايِينْ قْرِيبْ مِنْ طَرْفَايَةْ..

الصحراء اليومية/العيون

رِجَالْ القِيَادَةْ الجِهَوِيَّةْ دْيَالْ الدَّرَكْ المَلَكِيْ فَجِهَةْ العُيُونْ السَّاقِيَةْالحَمْرَاء دَارُوا خَدْمَةْ كْبِيرَةْ هَادْ الأُسْبُوعْ. قَدْرُوا يُوْقْفُو عَمَلِيَّةْ تَهْرِيبْ دُوَلِي خَطِيرَة بْعَرْضْ البَحْرْ قُدَّامْ سَوَاحِلْ طَرْفَايَةْ.

حَسْبْ المَعْلُومَاتْ الأُولَى، الدَّرَكْ رَاقْبُو قَوَارِبْ نَفْخِيَّةْ “مَطَّاطِيَّةْ” كَانَتْ كَاتْسْتَنَّى تْسْتَلَمْ سَلْعَةْ مِنْ فَوْقْ بَاخِرَةْ تِجَارِيَّةْ فْأَعَالِي البَحْرْ.

دَخْلُو الدَّرَكْ فَالوَقْتْ المُنَاسِبْ وَدَارُوا تَدَخُّلْ مُحْكَمْ، حَجْزُو فَوقْ 3 طُّونْ دْيَالْ الكُوكَايِينْ، وَمَا خَلَّاوْشْ الشُّحْنَةْ تُوْصَلْ لَلْبَرْ.

هَادْ العَمَلِيَّةْ كَتْبَيَّنْ بَالِّي الدَّرَكْ المَلَكِي فَالجِهَةْ وَاجْدِينْ وَفَايْقِينْ. وَكَتْدْخُلْ فَإِطَارْ المَجْهُودْ دْيَالْهُمْ المُسْتَمِرْ بَاشْ إِحْمِيوْ السَّوَاحِلْ المَغْرِبِيَّةْ وِضَرْبُو شَبَكَاتْ الجَرِيمَةْ المُنَظَّمَة لِّي كَتَّاجَرْ فَالْمُخَدِّرَاتْ.

دَابَا التَّحْقِيقْ مَازَالْ مَسْتَمْرْ تَحْتَ إِشْرَافْ النِّيَابَة العَامَّة. الهَدَفْ هُوَ إِعْرْفُو شْكُونْ لِّي فَهَادْ الشَّبَكَة وِيْشَدُّو بَاقِي المُتَوَرِّطِينْ.