مُحَمَّدْ سالم باهيا “فانو” : مِنْ خِدْمَةْ المَيْدَانْ لِتَزْكِيَةْ حِزْبِيَّةْ بِطَرْفَايَةْ..

الصحراء اليومية/العيون

حْصَلْ السِّيدْ مُحَمَّدْ سالم “فانو” رَئِيسْ المَجْلِسْ الإِقْلِيمِي لِطَرْفَايَة، عَلَى التَّزْكِيَة الرَّسْمِيَّة دْيَالْ حِزْبْ التَّجَمُّعْ الوَطَنِي لِلأَحْرَار بَاشْ يْتْرَشَّحْ فالانْتِخَابَاتْ المُقْبِلَة بِإِقْلِيمْ طَرْفَايَةْ.

وُكَيْعْتَبْرُو بَزَّافْ دْيَالْ المُتَابِعِينْ بَلِّي مُحَمَّدْ سالم “فانو” وَاحْدْ مَنَ الأَسْمَاءْ لِّي عْطَاتْ الشِّيء الكَثيرْ لِطَرْفَايَة. 

كَانْ دَايْماً قْرِيبْ مَنْ المُوَاطِنْ، وُكَانْ حَاضْرْ فَالْمَيْدَانْ أَكْثَرْ مَنْ المَكَاتِبْ.

خِلَالْ الوِلَايَةْ دْيَالُو كَـرَئِيسْ لِلْمَجْلِسْ الإِقْلِيمِي، ضَحَّى بْوَقْتُو وُبْسْمِيتُو وُخْدَمْ بْجَهْدْ كْبِيرْ، وُقْدَرْ يْخَلِّي بَصْمَةْ وَاضْحَةْ وَمُنْجَزَاتْ مْلْمُوسَةْ فَالإِقْلِيمْ لِّي شَافْهَا المُوَاطِنْ وُحْسْ بِهَا فَالوَاقِعْ.

وَكْيْشُوفُو المُتَابِعِينْ بَلِّي التَّزْكِيَة دْيَالْ حِزْبْ الأَحْرَارْ جَاتْ تَتْوِيجْ لِمَسَارْ دْيَالْ خَدْمَةْ وَجِدِّيَّةْ، وَاعْتِرَافْ بِالمَجْهُودْ لِّي دَارُو هَادْ الرَّاجَلْ فِي تَنْمِيَةْ الإِقْلِيمْ وَالقُرْبْ مِنْ هُمُومْ السَّاكِنَةْ.

وَمَعَ اقْتِرَابْ الاسْتِحْقَاقَاتْ الانْتِخَابِيَّة المُقْبِلَة، كَيْدْخَلْ “فانو”   هَادْ المَعْرَكَةْ الانْتِخَابِيَّة وُهُوَ مَحْمُولْ بْثِقَةْ الحِزْبْ وُثِقَةْ شَريحَةْ كْبِيرَة مَنْ سَاكِنَةْ طَرْفَايَة لِّي كَيْعْتَبْرُوهْ وَاحْدْ مِنْهُمْ.