الدَّقْ تَمْ..تَحَوُّلْ دِبْلُومَاسِي: كُولُومْبْيَا كَتْبَعَّدْ عَنْهَا دَاعِمِي “البُولِيسَارْيُو” وُكَتْقَرَّبْ مَنْ المغرب..

الصحراء اليومية/العيون

أَعْلَنَتْ كُولُومْبْيَا عَنْ إِغْلَاقْ سَفَارَاتِهَا الدِّبْلُومَاسِيَّةْ فَكُلْ مَنْ الجَزَائِرْ وَ جَنُوبْ إِفْرِيقْيَا، فَخُطْوَةْ كَتْجِي فْسِيَاقْ إِعَادَةْ تَرْسِيمْ خَرِيطَةْ العَلَاقَاتْ الخَارِجِيَّةْ دْيَالْهَا.

وُكْيْجِي هَادْ القَرَارْ فَالوَقْتْ لِّي كَتْشْهَدْ فِيهْ العَلَاقَاتْ المَغْرِبِيَّة الكُولُومْبِيَّة تَقَارُبْ مُلْحُوظْ، حَيْثْ كَتْبْحَثْ بُوغُوطَا عْلَى شُرَكَاءْ جُدُدْ فَالقَارَّةْ الإِفْرِيقِيَّةْ وُفْالمِنْطَقَةْ.

وُكْيْعْتَبْرُو المُتَابِعِينْ بَلِّي هَادْ الخَطْوَةْ رِسَالَة سِيَاسِيَّة وَاضْحَة، خُصُوصاً مَعَ العِلْمْ بَلِّي الجَزَائِرْ وُجَنُوبْ إِفْرِيقْيَا كَانُو مَنْ أَكْتَرْ الدُّولْ الدَّاعْمِينْ لِـ “الأَطْرُوحَةْ الانْفِصَالِيَّةْ”.

وُفِالمُقَابِلْ، المَغْرِبْ كَيْتَّعْتَبْرْ شَرِيكْ اسْتِرَاتِيجِي مُهِمْ لِكُولُومْبْيَا فْإِفْرِيقْيَا، بِسَببْ مَوْقِعُو الجُغْرَافِيْ وُ اسْتِقْرَارُو السِّيَاسِي.

وُكَتْهْدَفْ هَادْ المُقَارَبَة الجْدِيدَة لِـتَعْزِيزْ التَّعَاوُنْ الاقْتِصَادِي وَالتِّجَارِي بَيْنْ البَلَدَيْنْ، وَفَتْحْ آفَاقْ جْدِيدَة دْيَالْ الشَّرَاكَة فْقِطَاعَاتْ مُخْتَلْفَة.