تبون فْخِطَابُو قدام البرلمان جْبَدْ الصَّحْرا وُرْبَطْهَا بْفلسطين..

الصحراء اليومية/العيون

الرئيس الجزائري، عبد المجيد تبون، خصص كلمتو للتطرق لإنجازاتو وشنو دار من نهار جا للرئاسة والتحديات اللي واجهاتو مع الإشادة طبعا بمنظومة العسكر اللي دايراه رئيس، وكذا لفت الإنتباه للوضع الاقتصادي فالجزائر وكيفاش واجهو كورونا والفساد المستشري فبلادو ومواضيع أخرى.

عبد المجيد تبون ما فوتش الفرصة باش يهدر على نزاع الصحرا وما نساش كذلك يربطو بالقضية الفلسطينية وخا المسألتين مختلفتين ومتمايزتان وتا وحدة ما عندها علاقة بالأخرى.

تبون قال فكلمتو أنه ما غاديش يتخلى عن الدفاع عن فلسطين و”الصحراء الغربية” فإشارة لدعمو لجبهة البوليساريو، وأن الجزائر غادي دافع فمجلس الأمن كعضو غير دائم على إفريقيا والقضايا العادلة.