الصحراء اليومية/العيون
دار وزير الدفاع الأرجنتيتي، لويس بيتري، مرفوق بالقيادات فالجيش الأرجنتيني، إجتماع عبر تقنية الفيديو مع الضباط العسكريين الأرجنتينيين اللي خدامين فبعثات السلام فالعالم.
وداز هاد الإجتماع بحضور عدد من الضباط الأرجنتينيين فبعثة الأمم المتحدة فالصحرا “مينورسو” و قبرص والشرق الأوسط وأفريقيا الوسطى والهند وباكستان وكولومبيا ولبنان.
وعلى حساب ما قالت وزارة الدفاع الأرجنتينية، أن الإجتماع هدرو فيه الضباط ديال مل بعثة أممية مع القيادات العسكرية فالأرجنتين على مشاركتهم والوضع اللي كاين فهاد عمليات السلام أي البعثات.
هاد النوع من الإجتماعات كديرو الدول اللي مشاركة فبعثات الأمم المتحدة وكديرهم باش تبقى مطلعة على وضع هاد بعثات الأمم المتحدة ووضعية الضباط ديالها اللي مشاركين، وباش يبقى عندها علم بالمستجدات اللي كاينة وانطلاقا من ذلك ممكن تطلع وزارة الخارجية عليها واللي بموجب هاد الإطلاع يمكن تحدد توجهاتها السياسية فهاديك المناطق.