afterheader desktop

afterheader desktop

after Header Mobile

after Header Mobile

أخنوش من الداخلة: الحكومة رفعات من الاستثمار ب8 فالمائة وحكومتنا ديال المعقول ما كتكثرْشْ الهضْرة..

إشهار  Derhem Holding
الصحراء اليومية/العيون
أشاد رئيس حزب التجمع الوطني للأحرار، عزيز أخنوش، في مداخلة له خلال انعقاد أشغال المنتدى الجهوي للمنتخبين التجمعيين، المنعقد في محطته 12 بمدينة الداخلة، بحكومته والبرامج اللي نزلات على ارض الواقع واخا كاينة صعوبات.
إشهار  Derhem Holding
وكشف رئيس حزب التجمع الوطني للأحرار، أن حكومة التجمع الوطني للأحرار دايرة الواجب، ولقات قدامها الجفاف الشيء اللي أثر على السدود ماشي لمدة عام بل مدة ربع سنين، مؤكدا أن حكومته غادي تلقى الحلول للمناطق اللي عندها نقص فالماء باش يكون فيها الماء الصالح للشرب وللفلاحة.
وإعتارف رئيس حزب “الحمامة” بصعوبة ملف الماء، مشيرا انها غادي تنعاكس على الفلاحة، قائلا: “غادي نقوليكم واحد القضية. ماطيشة معندكوم منين تجيبوها وحتى إلى بغينا نشريوها فالعالم ما نلقاوهاش ما نلقاوش منين نجيبوها. وهادوك الناس ديال اوروبا إلى شي واحد تشكى من ماطيشة وبغاو نخليوها عندنا راه نخليوها عندنا ولكن راه كاينة واحدالندرة وهذا واقع خاصنا نعيشو فيه”.
وأشاد عزيز أخنوش بالمخطط الاخضر، وقال انه “كان فيه واحد الإقتصاد فالماء، وأنه ساهم فإقتصاد 2,5 مليار متر مكعب ديال الماء بحكم نظام السقي الموضعي گوت أ گوت”.وقال أخنوش أن الحكومة تمكنات هاد العام من الرفع من الاستثمارات بنسبة 8 بالمئة وجابت برامج مهمة، واكثر من 11 مليون ونص ديال مغريبي كيستافد من الأمو ديال التضامن التامين الصحي اللي كتخلصها الدولة على حسابها باش يداوا المواطن فالقطاع العام والخاص، مضيفا أنها دارت 1400 مستوصف صحي وتعاودات ليهم الهيكلة ديالهم باش يستقبلوا المواطنين، ومن بينها 300 او 400 مستوصف تصايبوا وفتحوا أبوابهم للناس.
UMP6
تعليقات الزوار
جاري تحميل التعاليق...

شاهد أيضا

يستخدم هذا الموقع ملفات تعريف الارتباط لتحسين تجربتك. سنفترض أنك موافق على هذا ، ولكن يمكنك إلغاء الاشتراك إذا كنت ترغب في ذلك. موافقالمزيد