رئيس موريتانيا سْتَقْبل “دي ميستورا”..هَا عْلاشْ هَضْرُو..

الصحراء اليومية/العيون

استقبل رئيس موريتانيا محمد ولد الشيخ الغزواني، اليوم الأربعاء بالقصر الرئاسي في نواكشوط، استيفان ديمستورا،  المبعوث الخاص للأمين العام للأمم المتحدة المكلف بملف نزاع الصحراء.

وجرت المقابلة بحضور الوزير المكلف بديوان رئيس الجمهورية، المختار ولد أجاي، وأحمد ولد باهين، مكلف بمهمة برئاسة الجمهورية، والمنسقة المقيمة لمنظمة الأمم المتحدة في موريتانيا، السيدة ليلى بيترس يحيا.

وبحث الرئيس الموريتاني الذي يشغل أيضا رئاسة الإتحاد الأفريقي، مع المبعوث الشخصي ستافان دي ميستورا، نزاع الصحراء والتطورات ديالو والجهود اللي كيدير المبعوث الشخصي فسبيل إعادة إحياء العملية السياسية ديال الملف وخلاصات إتصالاتو مع مختلف أصحاب المصلحة وكيفاش كيشوف القضية والآلية اللي ممكن تعاود تبني الثقة من أجل إعادة الدينامية للمسار السياسي للملف.

موريتانيا ومن خلال مختلف اللقاءات اللي دارت مع المبعوث الشخصي ستافان دي ميستورا أخدات إنخراطها بإيجابية وجدية فدعم الجهود الأممية المبذولة وتشجيع الأطراف على الإنخراط في العملية السياسية ودعم عمل بعثة الأمم المتحدة في الصحراء “مينورسو”، مع التشديد على إستعدادها لتقديم كل الدعم اللازم فهاد الصدد.

هاد الزيارة ديال ستافان دي ميستورا لموريتانيا جات مفاجِئة من خلال تكتم الأمم المتحدة عليها وعدم الإعلان عليها، الشي اللي كيطرح مجموعة من التساؤلات حول واش غادي تمتد هاد الزيارة للمغرب والجزائر ومخيمات تندوف، لاسيما وأن مجلس الأمن الدولي على موعد مع جلسة مغلقة للتداول حول نزاع الصحراء نعار 16 أبريل 2024، وهي الجلسة اللي غادي يقدم فيها دي ميستورا ورئيس “مينورسو” ألكسندر إيفانكو جوج إحاطات حول المستجدات ديال الملف.